Pasditja televizive dominohet nga TV Klan, i ndjekur nga Top Channel dhe Vizion Plus.
Info Media Albania ka siguruar të dhënat e Telemetrix për ditën e enjte 7 Maj 2015, sipas të cilave rendisin programet e TV Klan si më të ndjekurit nga shqiptarët në fashën orare të pasdites (16.00 – 18.59), në qytetet kryesore të vendit (Tiranë, Durrës, Elbasan, Shkodër, Fier, Berat, Korçë).
TV Klan | Rating 13.5 – Share 34.8
Me një program që përfshin kategori të ndyshme moshash, duke filluar nga të vegjëlit (me serialin vizatimor “Aventurat ne Odise”) për të vazhduar me më të rinjtë (me sit-com Hana Montana) dhe për të përfunduar tek më rriturit (me serialin BIDAI dhe Takimi i Pasdites), Tv Klan mund të konsiderohet televizioni më i kompletuar ku familjet shqiptare zgjedhin të kalojnë pasditet përpara ekranit.
Top Channel | Rating 5.2 – Share 13.9
Top Channel, gjithmonë sipas të dhënave Telemetrix, është kanali i dytë më i ndjekur gjatë pasdites me programet e ofruara të përqendruara për të rinjt dhe më të rriturit (SELECT, “100 vitrinat”, “Pasdite ne Top Channel”, Lajme e Moti, “Pasdite në Top Channel”, Përmbledhje Ditore BB8). Mungesa e programeve për më të vegjlit ka bërë që Top Channel mos jetë zgjedhja e parë për familjet shqiptare, të pakten në pasditen televizive.
Vizion Plus | Rating 3.6 – Share 9.5
Vizion Plus, kanali i tretë privat më i rëndësishëm në Shqipëri, renditet i treti në zgjedhjen e familjeve shqiptare përsa i përket kohës televizive gjatë pasditeve. Po kështu, në programin e këtij televizioni (Next, Shopping Queens, Vizioni i Pasdites, Pasion i Rrembyer) kemi mungesë të formateve kushtuar më të vegjëlve, një faktor që mund të ketë ndikuar në renditje.
TVSH | Rating 0.8 – Share 1.3
Televizioni publik Shqiptar TVSH vazhdon të mbetet një nga ofertat televizive gjeneraliste më pak të ndjekura nga publiku shqiptar me programe (Lajme, Kolor, Paralel) që gezojnë një audience që nuk i bën ballë as kanaleve me pagesë.
Pasditja Informative, News 24 i pari kanal all news, i ndjekur nga A1 Report.
Krahas kanaleve gjeneraliste, një pjsesë të mirë të pasditeve shqiptare e zenë edhe kanalet informative, kështu kanali News 24 (Rating 1.5 – Share 4.1) vazhdon të jetë zgjedhja e parë e ndjekësve të lajmit, i ndjekur nga A1 Report (Rating 1.0 – Share 2.6). ABC News renditet tre pozicione më poshtë konkurentëve (Rating 0.8 Share 2.3).
Ashtu siç edhe mund të vihet re nga grafiku, kërkesa e programeve për fëmijë është një element që i mungon më së shumti programit të pasditeve të ofruara nga televizionet shqiptare, jo më kot kanali me pagesë Bang Bang është kanali i gjashtë më i ndjekur (Rating 0.9 – Share 2.4).
Për më shumë konsultoni të dhënat e grafikut me renditjen e 10 kanaleve më të ndjekur në datë 7 Maj 2015 në fashën orare 16.00 – 18.59.
Metodologjia
Telemetrix SH.A., që operon zyrtarisht që prej muajit shtator 2012 me instalimin e matësve të parë, ofron matjen e shikueshmërisë televizive në Shqipëri, realizimi i së cilës bëhet nëpërmjet teknologjisë dhe sistemeve më të fundit të përdorura në këtë fushë, si dhe një paneli të përzgjedhur rigorozisht për të arritur përfaqësueshmërinë e tregut, sipas burimeve zyrtare nga kompania.
“Kompania ka investuar gjerësisht në krijimin dhe prodhimin e një matësi elektronik – TiViMat (koncepti i ‘peoplemeter”) si dhe në programimin e një ‘software’ të fuqishëm për realizimin e matjes së shikueshmërisë televizive. Skuadra e ‘Telemetrix’ ka projektuar dhe zhvilluar të gjitha platformat e monitorimit dhe raportimit të të dhënave të shikueshmërisë për përdorim të klientëve të saj
Qe prej shtatorit 2014, “Telemetrix” ka një panel prej 375 familjesh të përzgjedhura rigorozisht sipas kritereve të paracaktuara, të vendosura në 7 qytete kryesore të Shqipërisë; Tirana, Durrësi, Elbasani, Shkodra, Fieri Berati dhe Korca.
Baza e të dhënave të gjeneruara nga “Telemetrix” është “në nivel minute; “Rating per Minute” në nivel familjeje (household).
