Big Brother ishte një prej formateve më të ndjekura dhe më të përfolura, jo vetëm në botë, por edhe në vendin tonë. Kujtojmë këtu të gjitha edicionet e kaluara, që edhe sot e kësaj dite bëhen objekt bisede në televizione apo edhe në përditshmëri.
Aktualisht, në vendin fqinj, Itali, po zhvillohet Grande Fratello VIP, ku në vend të persona të panjohur, pjesë janë personazhe të njohur.
Bloggeri Olti Curri shpesh herë e ka komentuar dhe e ka shpërndarë në Instagramin e tij, mirëpo, postimi i tij i fundit na ka hedhur disa hije dyshimi.
“Ka ardhur koha për një Big Brother VIP edhe në Shqipëri”, – shkruan Curri në një postim në Instagram teksa po ndjek programin italian.
Mos vallë Olti na paralajmëroi se shumë shpejt mund të kemi në ekranet tona një Big Brother VIP? Fundja… Olti nuk flet kot!
Kujtojmë se prej kohësh në rrjet qarkullojnë lajme dhe thashetheme se Big Brother mund të kthehet në ekranin shqiptar, madje, para 2 viteve Top Channel u përfol se ishte në fazën e fundit të realizimit në formatit, por projekti u pushua pa dhënë arsye për publikun.
