Alban Dudushi drejt largimit nga Top Channel?

Drejtuesi historik i ‘Top Show’ ka ndjekur studimet e larta gjatë viteve 1992-1996 në Akademinë e Arteve të Shqipërisë në Tiranë, degën e aktrimit në Fakultetin e Artit Skenik.

Ndërkohë që programet televizive janë rikthyer në ekranin e “Top Channel”, pas ndërprerjes për shkak të pandemisë së koronavirusit, Alban Dudushi me “Top Show”-n e tij mungojnë në transmetim.

Edhe pse moderatori ka heshtur deri tani, në korridoret e TCH
po flitet se Dudushi është larguar nga ky televizion, ku bënte “Top show”-n që nga viti 2004.

Në programin e emisionit të mbrëmjes ftonte nga 6 deri në 8 individë nga fusha të ndryshme të artit, politikës biznesit, të cilët diskutonin në ekran mbi tema të ndryshme për
shoqërinë shqiptare. Nuk dihet nëse Dudushi ka nisur bisedimet me ndonjë televizion tjetër.