Edicioni i pestë i reality show-t “Dancing With The Stars” është fare afër, vetëm pak javë na kanë ngelur nga mbrëmja e parë dhe dalëngadalë në “IMA” po zbulojmë emrat e VIP-ave pjesëmarrës, të cilët do të kërcejnë në skenën e teatrit të yjeve.
Pjesë e këtij edicioni do të jetë një nga figurat qëndrore të ekranit të “Top Channel”, Albana Osmani. Pas një suksesi relativisht të mirë prej vitesh, prezantuesja e njohur e shumë programeve në “Top Media” do të provoj veten e saj në një konkurs krejt ndryshe nga natyra që është mësuar gjithmonë të bëjë në përditshmëri. Albana është një tjetër emër që ngjall përshtypje në listën e VIP-ave pjesëmarrës, pasi duke qenë pjesë e një medie tjetër konkurente, nuk shikohet shpesh ky “bashkëpunim”. Megjithatë, që në edicionin e kaluar producentja e spektaklit Holta Dulaku solli një tjetër emër të “Top Media”, Lori Hoxhën.
IMA / S. Dema
