Drini Zeqo është një ndër emrat më të kërkuar të gazetarisë shqiptare. Me një eksperiencë të pasur në televizion si spiker lajmesh, gazetar i disa emisioneve të ndryshme dhe prezantues televiziv, ka rrëfyer ekskluzivisht për Info Media Albania për projektin e tij më të ri që ai ka ndërmarrë në spektaklin Dancig With The Stars Albania. Spektali i shumëpritur i vallëzimit, ku ai do të bashkëprezantojë me Amarda Toskën, nis udhëtimin me sezonin e pestë në datën 17 nëntor në ekranin e Vizion Plus.
Si lindi idea të ishit pjesë e një programi të suksesshëm si Dancing With The Stars?
Erdhi shumë natyrshëm, pas disa bisedave me disa nga njerëzit të cilët janë pjesë e prodhimit të këtij spektakli. Gjetëm menjëherë gjuhën e bashkëpunimit.
Pse vendosët të linit studion e lajmeve për një spektakël vallzimi si Dancing With The Stars?
Sepse bëj pjesë tek njerëzit që mendojne se nëse do vërtetë të bësh televizion, duhet të provosh dhe të shkosh profesionalisht aty ku ndihesh më mirë. Ky është një prej këtyre rasteve.
A ishte e duhur kjo lëvizje sipas, në një periudhë ku ju ishit në kulmin e karrierës në profesionin si gazetar?
Ky prezantim nuk më largon nga gazetaria, përkundrazi është një hapsirë për të provuar se edhe në spektakël ka gazetari.
Sa e menduar ishte kjo zgjedhje nga ana jote?
Aq sa për të marrë vendimin dhe për të nisur punën mbi këtë projekt të ri. Në çdo rast, vendimin apo aprovimin do ta japin shikuesit.
Sa të vështirë e keni që të mësoheni me idenë që nuk do jeni çdo ditë në trasmetim por vetëm një herë në javë?
Kjo pjesë nuk më limiton për të qenë në kontakt me audiencën. Sot ka shumë hapsira për të mos u ndjerë i bllokuar vetëm në hapesirën kur je në transmetim live.
Sa ju mungon shprehja “Ju ftojmë të ndiqni edicionin informativë të orës…”?
Aspak. Do ta zëvendësoj me shprehjen, takohemi çdo të hënë në orën 21.00
Partnerja juaj është Amarda Toska e cila nuk e ka për herë të parë prezantimin e “Dancing With The Stars“. Si janë mardhëniet me Amin?
Shumë të mira. Ami është shembull nga më pozitivët i një përfaqësimi dinjitoz.
Cfarë pret nga ky spektakël si moderator?
Pres që ta shijoj në maksimum, dhe ashtu do të jetë.
A di të vallëzojë Drini?
Sigutisht, aq sa për të shijuar çdo melodi që më vjen ta kërcej.
A mund të na zbuloni ndonjë detaj se si do jetë prezantimi këtë vit në Dancing?
Këto janë detaje të produksionit, të cilat do të zbulohen live.
Data zyrtare se kur nisë Dancing With The Stars?
17 Nëntor.
A mund të na thoni një nga emrat e konkurentëve akoma të pa zbuluar eksluzivisht për Info Media Albania?
Konkurentët kanë vendosur që të prezantohen personalisht nëse do të duan përpara fillimit të datës së programit. Nuk më takon të zbuloj emra. Por ata janë ndër më të dashurit për publikun.
Pas DWTS, Drini do i rikthehet gazetarisë apo parashikon projekte të tjera si prezantues televiziv?
Eshtë ende herët të flas për këtë.
Si është një ditë e zakonshme juaja?
Si çdo ditë e një njeriu të zakonshëm, por që ka një profesion i cili e ndan me publikun angazhimin e tij. Me ditët e mira dhe të këqija.
Është më mir të intervistosh apo të të intervistojnë?
Une ndihem komod në të dyja rastet.
Cila është intervista e realizuar që për ty nuk është e lehtë ta harrosh? Po personazhi?
Ka disa, por çdo intervistë është njësoj e rëndësishme profesionalisht, nëse do të jesh korrekt me ata që të ndjekin.
Cfarë ka sakrifikuar Drini për të arritur suksesin e deri tanishëm?
Nuk e di sa i suksesshëm jam. Kam punuar shumë dhe besoj se kjo diçka që nuk të tradhëton asnjëherë.
Ju ka ndihmuar parqitja juaj për të qënë i suksesshëm?
Besoj se po.
A jeni i dashuruar?
Kjo është një pjesë private për të cilën nuk dëshiroj të flas.
Dëshira e fundit që nuk të është realizuar ende?
Kam shumë, çdo ditë nga një dëshirë të re.
Një arsye për të cilën do e linit televizionin?
Nuk e di, për momentin asnjë.
Pasioni juaj i fshehur është…?
Pasionet nuk mund të jenë të fshehta, në të kundërt nuk janë të tilla.
Një mesazh për publiku që do ju ndjekë në “Dancing With The Stars”?
Do i thoja, ta shijojnë si nje garë të pastër dhe me emocione të forta.
Po një mesazh për lexuesit që po lexojnë këtë intervistë?
Që ta lexojnë deri në fund dhe ta falenderojë për këtë.
Intervistë Ekskluzive IMA / G. Qerimi
