Love Story do të nisë sezonin e dytë në datën 15 nëntor në televizionin Klan. Gjatë ditëve që lamë pas produksioni zbuloi për publikun opionistët e këtij sezoni, Robert Aliaj dhe Jerina Lalaj, ashtu edhe risinë e këtij sezoni të dytë – programin ditor.
Këtë sezon do të kemi mundësinë që personazhet e programit t’i shohim edhe përgjatë ditëve të javës në “Love Story Talk”. Ku do të kemi dy opinionistë, Xhensila Pere dhe Zhaklina Lakatari. “Love Story Talk” do të drejtohet nga Eni Shehu, çdo ditë nga e marta në të premte.
Por deri tani nuk kemi ende informacion se cilët do të jenë dy protagonistët e programit. Princin dhe princeshën e këtij sezoni të dytë, që do të zgjedhin partnerin e jetës në këtë reality show. Produksioni është siguruar që emrat të mbeten të ruajtur nga mediat dhe publiku deri në datën e premierës. Deri tani dimë që vajza që do të ulet në fron ka qenë pjesë e edicionit të kaluar, sikurse ka zbuluar ditë më parë autorja Ilda Lumani.
Ndërsa përsa i përket djalit që do të ulet në fronin e beqarit ende nuk është zbuluar asgjë. Sipas disa informacioneve të ardhura në redaksinë e InfoMedia Albania princi i këtij edicioni do të jetë Krist Dragot. Një emër pak i njohur për shqiptarët, djali i artistit Robert Aliaj. Sipas burimit, Kristi këto ditë ka xhiruar edhe disa video që do të jenë pjesë e emisionit.
Krist Aliaj Dragot studion shkenca politike dhe është i talentuar në pikturë dhe muzikën, gjithashtu një nga pasionet e tij janë parfumet.
Për momentin mbetet ende një informacion në formën e rumors. Nuk na mbetet veçse të presim ditët në vazhdim nëse do të ketë një konfirmim nga stafi.
