Javën e kaluar pamë për herë të parë klasifikimin e këngëve më të dëgjuara në Shqipëri duke u bazuar në të dhëna nga komponentë me besueshmëri të lartë dhe shumë të përdorur nga shqiptarët si Deezer, Shazam, YouTube dhe shumë të tjerë.

Albanian Airplay Chart – Java 1 | Hapet java e parë e AAC me rekorde nga Noizy dhe Rihanna | VIDEO

Java e dytë ka sjëllë shumë surpriza në klasifikim, por pavarësisht të gjithë lëvizjeve, Sia vazhdon të qëndrojë e fortë në vendin e parë me “Cheap Thrills”. Duhet përmendur që kjo këngë ka fituar shumë në pozicionin e saj pasi është transmetuar dhe shpërndarë në dy versione; përveç versionit solo egziston edhe versioni remix i cili përmban këngëtarin xhamaikan Sean Paul, gjë që ka ndihmuar këngën të ketë shumë airplay në radio por edhe në streaming në internet. Noizy, reperi që dominoi javën e parë me katër nga këngët e tij tashmë mbetet në klasifikim vetëm me dy këngë nga mixtape-i i tij më i ri “Zin City”. “Grande” pozicionohet katër vende më poshtë se java që shkoi në vëndin e 11, “The baddest” humb disa pikë në komponentin airplay dhe streaming duke u pozicionuar në vëndin e 6, ndërkohë “Flight mode (feat. Lil Koli)” dhe “Shut the place down (feat. Varrosi)” këtë javë nuk figourojnë në klasifikim. Gjithsesi vërehet një dominim i dukshëm i këngëve me elemente Rap dhe Hip-Hop ku mund të përmendim “Panda” në pozicionin e 16 të repistit amerikan Desiigner, i cili nënshkroi një marrëveshje kontraktuale me Kanye West pas suksesit të këngës së tij, kanadezin Drake me “One Dance (feat. Wizkid & Kyla)” që pësoi rënie nga pozicioni 4 i javës së kaluar në pozicionin 10, që gjithashtu shënon një nga rëniet më të mëdha të kësaj jave duke humbur gjashtë vende. Po kështu bashkëpunimi tjetër i Drake me Rihanna, “Work (feat. Drake)” ka pësuar të njëjtën rënie me gjashtë pozicione nga 13 në vendin e 19 këtë javë. Calvin Harris me “This Is What You Came For (feat. Rihanna” i afrohet Top 5 duke u rritur me një pozicion krahasuar me javën e kaluar nga vendi 6 në vendin e 5 këtë javë. Shkak për këtë rritje është dalja e videoklipit i cili tërohqi me miliona shikime që në orët e para të publikimit të tij. Eventi “Euro 2016” gjithashtu ka patur ndikimin e tij në klasifikim pasi një nga prurjet të klasifikuara më mirë këtë javë është pikërisht “This One’s for You (feat. Zara Larsson)” e David Guetta. Nga ana tjetër, Ariana Grande me “Into You” është e vetmja që ka ruajtur pozicionin 15 të javës së shkuar. MC Kresha dhe Lyrical Son këtë javë dominojnë pasi kanë tre nga këngët e tyre më të reja në klasifikim dhe vendosen të dytët pas Noizy-t (4 këngë) si artistët me më shumë këngë në klasifikimin e një jave. Ndikim të madh ka luajtur edhe albumi i tyre më i ri “Rapsodët n’Rap t’Sotit” i cili ka fituar shumë në komponentin streaming në internet në aplikacionin Deezer. “HipHop (feat. Ledri Vula)” hyn në vendin e 20, “Ky tipi” rritet në vendin e 17 dhe “Era” nën emrin e MC Kreshës, por e kredituar të dy repistëve, në vendin e 14.

Na ndiqni javen tjeter per te pare se si do të ndryshojë klasifikimi, kush do të jetë në vendin e parë dhe a do te kete prurje te reja ne AAC.