Arilena Ara ironizon “The Voice of Albania”

Të premten, kur publiku po bëhej gati të ndiqte edicionin e katërt të “The Voice of Albania” në ekranin e “Top Channel”, disa të tjerë kanë përfituar nga ky fakt për të ironizuar pak mbi këtë spektakël.

Kështu, një prej tyre është edhe këngëtarja Arilena Ara, e cila përmes një statusi në faqen e saj zyrtare në Facebook ka admiruar dhe në të njëjtën kohë ka sharë spektaklin “The Voice of Albania”. Kujtojmë se Arilena ka qenë fituese e edicionit të dytë të “X Factor Albania” në “TV Klan”.

Më konkretisht në Facebook ajo ka shkruar: “Tonight, “The Voice ofa Albania 4”. Një talent show që e pëlqej shumë (përveç Ledionit), por desha t’iu pyes, ku kanë humbur tre fituesit e tre edicioneve të mëparshme?” Nëpërmjet këtij statusi ajo jo vetëm ka ironizuar me mungesën e fituesve të “The Voice” në tregun muzikor, por edhe për moderatorin Ledio Liço, që siç duket Arilena nuk e ka qejf. Megjithatë ajo ka vlerësuar talent show-n “The Voice”.

Kujtojmë se Arilena Ara është një nga këngëtaret më aktive në tregun muzikor shqiptar e dal nga një talent show shqiptar. Së fundmi ajo ka publikuar këngën e saj më të re “Business Class” dhe sigurisht edhe hitin “Aeroplan”, i cili është cilësuar si një ndër klipet dhe këngët më cilësore të vitit.

IMA / S. Dema

REKLAMA
loading...

KOMENTO

This site uses Akismet to reduce spam. Learn how your comment data is processed.