Pas ndarjes së konfirmuar në prill të vitit 2020, zërat për një ribashkim të mundshëm mes Dafina Zeqirit dhe DJ Geek nuk kanë munguar, megjithëse e gjitha ishte çështje thashethemesh, pasi Dafina dhe Geek janë miq dhe kolegë, që do të thotë se fotot në praninë e njëri-tjetrit nuk ishin domosdoshmërisht shenjë se janë lidhur. Por miqtë dhe kolegët nuk puthen në buzë, apo jo?!
Në një postim të fundit në Instagram, Dafi dhe Geek shfaqen në një vend me borë. Nëse fotoja e parë nuk ju bind, shihni të dytën.
https://www.instagram.com/p/CKBgb78Blzq/?utm_source=ig_embed
Të tjera momente:
https://www.instagram.com/p/CKBjo4zpi5x/?utm_source=ig_embed
Thashethemet e para për marrëdhënien e tyre nisën në qershor të vitit 2019. Në korrik të po atij viti, Dafi e mohoi lidhjen. Në dhjetor, e konfirmoi tërthorazi, ndërsa në shkurt 2020 e pranoi publikisht. Dy muaj më vonë, gjatë një interviste për Revistën Story, foli për ndarjen.
“Ishte një lidhje shumë e shkurtër, që përfundoi shpejt. Mesa duket nuk shkojnë bashkë edhe puna edhe lidhja romantike, prandaj vendosa që puna dhe ekipi është më e rëndësishme se lidhja. Mendojmë të mbajmë ekipin sa më të shëndetshëm sepse ne jemi si një familje. Kështu që u desh t’i japim fund lidhjes për të shpëtuar lidhjen në ekip, që për ne është më e rëndësishme.”
Në qershor 2020, e ftuar te “Në kurthin e Piter Pan” u shpreh se është “ende e dashuruar” dhe “ka një dashuri shumë të madhe dhe është ende [në zemër]”. Dashuria shumë e madhe ishte sigurisht Geek, prandaj jo më kot janë sërish bashkë.
