Akuza për fantazi ekstreme seksuale dhe kanibalizëm, aktori i njohur largohet nga filmi me Jennifer Lopez

Bashkohuni me grupin tonë zyrtar në Facebook duke klikuar këtu!

Arnie Hammer ka vendosur që ta lërë filmin e radhës me Jennifer Lopez, duke dalë kundra të gjitha akuzave që janë bërë së fundmi ndaj tij. Aktori i “Social Network” është dorëhequr nga projekti kinematografik, i quajtur “Shotgun Wedding”, teksa në media dhe në rrjetet sociale u publikuan disa mesazhe që thuhet se janë çuar nga ai, ku flitet fantazitë e tij ekstreme seksuale ,deri në shqetësuese. Madje ai është akuzuar edhe për kanibalizëm, pasi në disa prej këtyre mesazheve ishte shprehur se kishte dëshirë t’i priste të dashurës gishtin e këmbës dhe ta mbante me vete në një kuletë.

Duke folur për këto mesazhe dhe akuzat që bëhen ndaj tij, Hammer tha për Deadline: “Nuk kam për t’ju përgjigjur këtyre idiotësirave, por duke qenë se është bërë ky sulm online ndaj meje, nuk mund t’i le me ndërgjegje të plotë fëmijët e mi për 4 muaj, që të xhiroj filmin në Republikën Domenikane. Kompania Lionsgate është duke më mbështetur dhe i jam mirënjohës për këtë.”

Një përfaqësues i produksionit të filmit tha se edhe pse xhirimet e “Shotgun Wedding” do të nisin shumë shpejt, Arnie ka vendosur të tërhiqet nga filmi dhe ata kanë rënë dakord. Prandaj do të ketë sërish audicione për rolin e tij. Filmi flet për një çift që mbledh familjen e tyre për pushime, në prag të dasmës, ndërsa të dy janë duke e rimenduar martesën dhe gjërat shkojnë keq. Pra komedia e zakonshme romantike.

Hammer po ashtu ka lënë kastin e serilait “Gaslit”, ku do të luante përkrah Julia Roberts, Sean Penn dhe Joel Edgerton. Megjithatë ky vendim duket se nuk ka pasur shumë lidhje me ngjarjet e fundit.