Një shqiptar në Saremo 2016. Njihuni me Ermal Metan dhe sukseset e tij!

Ermal Meta quhet artisti shqiptar, i cili këtë vit do të konkuroj krah emrave më të njohur të muzikës italiane, në festivalin e Sanremo.

37-vjeçari nga Fieri, i emigruar prej vitesh e me nënshtetësi italiane, është përzgjedhur si një nga 8 finalistët në kategorinë e emrave të rinj (Nuove Proposte) që do të ngjisin skenën e Ariston në edicionin e ri të festivalit të këngës italiane.
Në fakt emri i tij nuk është i panjohur në industrinë muzikore italiane, pasi Ermal Meta është autori i disa këngëve shumë të suksesshme të viteve të fundit kënduar nga artistë si Marco Mengoni (Io ti aspetto, Pronto a correre, ecc), Francesco Renga (Era una vita che ti stavo aspettando), Emma Marrone (Occhi profondi, Arriverà l’amore), Annalisa Scarrone (Non so ballare, La prima volta, etj.), Chiara Galiazzo (Straordinario, Vieni con me, Il meglio che puoi dare, etj.), Patty Pravo në duetin Non mi interessa,  Clementino (Sotto le stelle), Francesco Sarcina (Femmina, Un miracolo, etj.) për albumin e të cilit ka punuar edhe si producent, Lorenzo Fragola (La nostra vita è oggi dhe Resta dove sei) dhe sëfundmi ka bërë muzikën e këngës 21 Grammi, hit-i i ri i Fedez.

Por përveç sukseseve të firmosura për këngëtarë të njohur italian, vokali i tij është i njohur për publikun si lideri i grupit La Fame di Camilla, grup që u krijua në 2007 me të cilët u publikoi tre albume (me të njëjtin emër në 2009, Buio e Luce në 2010 dhe Attesa në 2012). Me këtë grup ai do të udhëtonte përgjatë gjithë Italisë prej 3 vitesh, në një tour ku ka ngjitur gati 500 skena, duke ndarë koncerte me Stereophonics, Cranberries dhe Aerosmith si dhe pjesëmarrës në Heineken Jamming Festival dhe në Festivalin e Sanremo edicioni i 2010.

Me arkivimin e eksperiencës së grupit, rruga e tij si solist nis me një nga kolonat zanore të Braccialetti Rossi me këngën Tutto si Muove në sezonin e parë dhe me këngën Volevo perdonarti, almeno në sezonin pasardhës.

Aktualisht Ermal Meta po punon për albumin e tij të parë si solist dhe ku ka më mirë se trampolina e Sanremo për debutimin e tij me këngën “Odio le favole” (I urrej përrallat). Kënga është një balad pop-rock, me të cilën shqiptari do të prezantohet në skenën e Sanremos, festivali që do të mbahet nga data 9 deri më 13 shkurt.

Odio le Favole është tashmë një hit radiofonik në Itali dhe suksesi për Ermalin parashikohet i garantuar!

Dëgjojeni më poshtë këngën:

REKLAMA
loading...

1 Koment

KOMENTO

This site uses Akismet to reduce spam. Learn how your comment data is processed.