Me logon “Celebrate diversity” (Festojmë ndryshimin), Festivali Europian i Këngës ka përcaktuar tashmë edhe renditjen e shteteve pjesëmarrëse për në dy gjysmëfinalet e edicionit të ketij viti, i cili do të mbahet në Kiev të Ukrainës. Nga shorteu i hedhur paraditen e kësaj të marte nga organizatorët e festivalit, Shqipëria renditet e shtata në natën e parë gjysmëfinale. Kjo do të thotë që këngetarja shqiptare Lindita Halimi do të ngjitet në skenën e Eurosongut mbrëmjen e 9 majit, kur dhe është përcaktuar gjysmëfinalja e parë e Eurosongut. Halimi fitoi edicionin e 55-të të Festivalit të Këngës në Radiotelevizionin shqiptar me këngën “Botë” të Klodian Qafokut me tekst të Big Bastës. Një përfaqësim dinjitozi i Halimit në gjysmefinalen e parë do të ishte një shpresë e madhe që Shqipëria të renditej në finalen e këtij viti, përcaktuar për në mbrëmjen e 13 majit.
Ky eshte edicioni i dytë i Eurosongut që organizohet në Ukrainë. Këngëtarja e parë që çoi Eurosongut në këtë shtet ishte Rusllana në vitin 2004. Ka qënë pikërisht ky vit kur dhe Shqipëria shënoi pjesëmarrjen e parë në Festivalin më të madh të muzikës së lehtë në Europë me këngëtaren Anjeza Shahin dhe këngën “Imazhi yt’ te kompiozitorit Edmodn Zhulali me tekst të Agim Doçit.
Në total për Shqipërinë kjo është hera e trembëdhjetë që merr pjesë në Euroson
