Promovimi i këngës shqiptare që do të jetë pjesë e Eurosong këtë vit duket se nuk po ndjek të njëjtin nivel nga vitet e kaluar. Pas fitores në Fest 55 Dhjetorin e kaluar shumë pak është folur për Linda Halimin dhe punën që ajo po ndjek për realizimin e versionit final të World. Mangësi kjo ku përgjegjës është padyshim RTSH i cili është promotori i këtij eventi në pëfaqësimin e Shqipërisë.
Megjithatë këngëtarja kosovare, Lindita Halimi, para disa ditësh ishte në Shqipëri për të përfunduar versionin final të këngës përfaqesuese në Eurovision.
Kënga “World” në versionin final është punuar në Shqipëri ndërsa regjistrimi është kryer në një studio të njohur në Itali dhe tani pritet që të publikohet bashkë me videoklip.
Sipas portalit Magazina.al, kënga dhe videoklipi zyrtar i Lindita Halimit, do të publikohet këtë të diel më 12 mars.
Eurovisioni 2017 do të mbahet në muajin maj në Kiev të Ukrinës, Shqipëria do të këndojë në gjysëmfinalen e parë më 9 maj dhe kjo është hera e dytë që Shqipërinë e përfaqëson një këngëtare nga Kosova, pas përfaqësimit që kishte bërë Rona Nishliu në vitin 2012 me këngën “Suus”.
