Drejt Lisbonës me pritshmëritë më të larta niset sot Delegacioni që përfaqëson Shqipërinë në ESC2018, për të zhvilluar periudhën parakrake të provave në skenë, në kuadër të përgatitjes për natën finale të Eurovision Song Contest 2018. Delegacioni i përbëre nga:
Eugent Bushpepa – këngëtari përfaqësues
Erinda Agolli – backvokal
Greta Radovani – backvocal
Denis Hima – bateri
Gerti Hima – bateri
Besnik Nikolli – bass
Kleart Duraj – kryetar i delegacionit shqiptar
Sokol Marsi – producent muzikor
Ndërkohë imazhi në skenë këtë vit kurohet nga stilistja Enada Atnikolla
Pas mbërritjes dhe akomodimit, dita e dielë në orën 12:20 do të mirëpres këngëtarin Eugent Bushpepa për të zhvilluar provën e parë në skenë.
Në axhendë janë përcaktuar dy prova individuale për secilin shtet, dhe tri prova të lidhura të shfaqjes gjysmëfinale të secilit shtet përfaqësues. Çdo provë në përfundim të saj do të pasohet nga një konferencë për shtyp e delegacionit, për mediat e akredituara në Eurosong 2018. Për këngëtarin tonë përfaqësues, rëndësi të veçantë paraqet prova gjenerale e datës 07 Maj, pra një ditë para konkurimit, pasi në këtë provë bëhet votimi nga juritë profesioniste të secilit vend, votim i cili, duke i bashkëngjitur edhe votat e publikut në mbrëmjen e transmetimit live, përcaktojnë kalimin ose jo në finalen e madhe të datës 12 maj.
ESC2018 pasditen e datës 6 Maj do te zhvillojë ceremoninë zyrtare të hapjes së festivalit, e cila këtë vit do të quhet Blu Carpet e frymëzuar nga tema e oqeaneve.
Kujtojmë se Shqipëria konkuron në gjysmëfinalen e parë, të martën më 08 maj dhe kendon e treta në renditje. Në gjysmëfinalen e parë konkurojnë 19 shtete dhe vetëm 5 prej tyre do të këndojnë këngën në gjuhën e vendit të vet, midis të cilave edhe Shqipëria.
Ndërkohë para nisjes për në Lisbone Eugent Bushpepa ka marrë pjesë edhe në eventet promovuese të ESC 2018: kështu Eugenti ka udhëtuar në Amsterdam, ku ka kënduar në eventin e titulluar Eurovision in Concert në datën 14 maj dhe gjithashtu ka udhëtuar në Madrid për të marrë pjesë në Eurovision PreParty në 21 maj.
https://youtu.be/QX6Ly7C0ruc
Marrë nga RTSH
