Festivali i 54-t i Këngës në RTSH, tashmë ka kaluar fazat e tij parapërgatitore, e ndërkohë që janë zbuluar javë më parë edhe 30 këngëtarët në garë njëra prej tyre, Edea Demaliaj ka vendosur të tërhiqet duke mos dhënë asnjë arsye për këtë vendim të papritur.
InfoMedia Albania e interesuar për më shumë detaje rreth këtij vendimi ka kontaktuar këngëtaren e cila ka preferuar mos prononcohet. Fituesja e edicionit të katërt të talent show-t XFactor Albania do të konkuronte në Fest 54 me këngën “Era” të kompozitorit Adi Hila.
Edhe pse Edea nuk ka dhënë asnjë shpjegim për asnjë media, pjesëmarrja e këngëtares sipas burimeve tona dhe zërave pranë Festivalit u anulua për shkak se Adi Hila ka pretenduar të ndryshoj këngën konkuruese në momentet e fundit, duke rënë ndesh me rregulloren e FiK. Një propozim i tillë nuk është pranuar nga drejtuest e institucionit duke detyruar këngëtaren të tërhiqet vetëm pak javë nga fillimi i Fest 54.
Sipas formulës së spektaklit e para në listpritje në këtë edicion ka qenë këngëtarja Orgesa Zaimi e cila garon për herë të parë në FiK, dhe është tashmë një nga konkurentet zyrtare.
