Mania e rrjeteve sociale tashmë në vendin tonë është përhapur aq shumë sa jo vetëm që kemi të gjithë llogari në Facebook, por na del koha të hapim nga një profil apo edhe faqe për njerëz të tjetër, sidomos të famshëm.
Shumë njerëz të famshëm, për të mos thënë të gjithë, kanë nga pesë, dhjetë apo të tjerë edhe më shumë llogari në këtë rrjet social. Si një ndër moderatoret më të mira në ekranet shqiptare, edhe Arbana Osmani, e cila prej shtatë vjetësh drejton spektaklin “Big Brother Albania”, është bërë prej kohësh pre e njerëzve abuzues, të cilët kanë hapur pafund faqe në Facebook në emrin e saj.
Mirëpo, ka mjaftuar sot në mëngjes një reagim i papritur i moderatores në Instagram-in zyrtar, për t’i dhënë fund njërës prej faqeve më të mëdha në emrin e saj. Ajo është shprehur se do të denoncoj personat, të cilët menaxhonin faqen me rreth 150 mijë fansa dhe që një ditë më parë kishin nxjerr në shitje atë. Kjo gjë e ka revoltuar Arbanën dhe ka hedhur një mesazh kërcënues për individët që menaxhonin faqen e saj fallco duke u shprehur se do t’i denonconte në Ministrinë e Brendshme.
Pak orë më vonë faqja është zhdukur nga Facebook-u, dhe ajo që nuk dihet është nëse ajo u mbyll nga instancat penale apo nga vetë personat që e menaxhonin. Raste të tilla kërcënimesh ka patur edhe nga njerëz të tjerë të famshëm, sidomos nga këngëtar.
IMA / S. Dema
