Ajo mendoi se po vdiste, kur u testua pozitive për antitrupat COVID-19, pasi testi i kishte dalë negativ.
Alyssa Milano thotë se ajo është testuar pozitive për antitrupat e koronavirusit, pasi u testua negative për COVID-19.
Aktorja dhe aktivistja tani është duke synuar në atë që ajo thotë se është një sistem i gabuar i testimit.
Ajo postoi një foto ku shihet duke përdorur një aparat frymëmarrjeje në llogarinë e saj në Instagram dhe shkroi në mbishkrim, “jo isha unë në 2 prill pasi u sëmura për 2 javë”.
“Unë kurrë nuk kam qenë kështu e sëmurë. Gjithçka është dëmtuar. Humbja e aromës”, shkroi aktorja.
“Ndihesha sikur një elefant ishte ulur në gjoksin tim. Unë nuk mund të merrja dot frymë. Nuk mund të mbaja ushqim brenda meje. Kam humbur 9 kg për 2 javë”, u shpreh ajo.
Ajo tha se ndjehej e hutuar, kishte temperaturë dhe dhimbje koke të tmerrshme: Unë në thelb kisha çdo simptomë të COVID-it.
“Në fund të marsit, unë bëra dy teste të COVID-19 dhe të dyja ishin negative. Unë gjithashtu bëra një provë antitrupi COVID (testi i gjilpërave të gishtit) pasi u ndjeva pak më mirë. NEGATIVE”.
Ajo thotë se kjo u pasua me katër muaj simptoma të zgjatura, përfshirë marramendje, rrahje të shpejta të zemrës, gulçim dhe humbje të kujtesës afatshkurtër. Milano dha gjak edhe për një test tjetër të antitrupave.
“Unë jam POZITIVE për antitrupa e gjakut”, ka shkruar ajo. “Unë kisha COVID-19. Unë thjesht dua që ju të jeni të vetëdijshëm se sistemi ynë i testimit është i gabuar dhe ne nuk dimë numrat e vërtetë. Unë gjithashtu dua që ju ta dini, kjo sëmundje nuk është një mashtrim”, shtoi ylli i “Charmed”.
“Mendova se po vdisja. Ndihesha sikur po vdisja”, thotë ajo.
Milano, e cila gjithashtu ndau një imazh të rezultatit të saj pozitiv të testimit të antitrupave, tha se planifikon të dhurojë plazmën e saj me shpresën për të ndihmuar të tjerët.
