Lori Hoxha, producentja e njohur e Big Brother VIP, ka ngritur temperaturat dhe pritshmëritë për edicionin e katërt të spektaklit të shumëpritur me disa postime misterioze në rrjetet sociale. Pas mbylljes së suksesshme të edicionit të tretë në maj, fansat janë në ankth për çdo detaj të ri rreth BBV4, i cili sipas zërave mund të nisë më herët këtë vit, ndoshta në fund të tetorit ose fillim të nëntorit.
Në Instastory, Lori ka ndarë disa fotografi dhe mesazhe intriguese që kanë ndezur spekulimet në rrjet. Me shkrime si “Duke shijuar diçka të re” dhe “Ndoshta një stuhi po vjen?”, ajo ka lënë të kuptohet se edicioni i ri i Big Brother VIP do të sjellë surpriza të mëdha. Këto postime kanë ngjallur një atmosferë eksitimi në mesin e ndjekësve, të cilët tani janë të etur për të zbuluar çfarë risie do të sjellë BBV4.
Ndonëse Lori nuk ka dhënë detaje specifike, simbolika dhe atmosfera e postimeve të saj sugjerojnë që spektakli i këtij viti do të jetë ndryshe dhe plot surpriza. Fansat tashmë janë duke spekuluar se çfarë mund të sjellë “stuhia” e re dhe presin me padurim fillimin e sezonit të ri.
