Pesë ditë më parë, kur Arbenita Ismajli solli në jetë fëmijën e saj të parë, modelja mori edhe lajmin më të trishtueshëm të jetës. Babai i 22 vjeçares ndërroi jetë pasi nuk arriti të fitonte dot betejën me COVID-19.
Arbenita nuk ka mundur t’i shijojë në maksimum ditët e para si nënë për shkak se zemra e saj është ende e thyer nga humbja e të atit.
Orët e vona të mbrëmjes së djeshme duket se as gjumi nuk e ka zënë bukuroshen brune për shkak se i mungon shumë babai. Ajo ka ndarë dy foto të tij në InstaStory kur ka qenë i ri.
Në postim, Arbenita, e mbushur me dhimbje. ka shtuar emoji me lot në sy e zemra të thyera.
Kujtojmë se dje ajo dhe bashkëshorti reper Fero ndanë një video nga prapaskenat e setit të parë fotografik të vajzës së tyre të porsalindur Nina, por pa i zbuluar fytyrën.
