Ditët e fundit, është përfolur kudo në mediat rozë për një lidhje të mundshme të moderatores Bora Zemani me Atdhe Xharavinën, ish-konkurrentin e “Për’puthen”, programin që vetë Bora drejton.
Megjithatë, pavarësisht deklaratavë të tij të bujshme, Atdheu i ka hedhur poshtë këto thashetheme, duke zbuluar se është i lumtur dhe i dashuruar, por pa treguar emrin e vajzës që i ka marrë zemrën.
Edhe Bora, nga ana tjetër, ka zbuluar në një pyetësor në Instagram, se është “100% single, e fokusuar tërësisht te Arbori dhe puna”, referuar programit “Për’puthen” dhe djalit të saj.
Megjithatë, një video e tyre së bashku, e siguruar nga “Kryefjala.com”, ngre sërish dyshime, lidhur me vërtetësinë e deklaratave të tyre, dhe një lidhje të mundshme. Në video shihen Bora dhe Atdheu, në një lokal dhe nga qendrimi duket se janë duke debatuar. Madje, siç shkruan Kryefjala, moderatorja duket tejet e acaruar dhe është duke i bërtitur Atdheut. Nuk dihet ende se në çfarë momenti është bërë videoja, gjatë kohës që xhirohej “Për’puthen”, apo më pas.
Gjithsesi, kjo video shton sërish dyshimet, ndonëse para kamerave e publikut, të dy mohojnë një romancë të mundshme.