Ndërsa mbeten vetëm dy javë nga premiera e Festivalit të Këngës në RTSH, që këtë vit do të mbahet në datat 21, 22 dhe finalja në datë 23 Dhjetor, në kanalet online të këtij eventi shohim akoma logon përfaqësuese të edicionit të kaluar.
Detaj ky që mund të vihet re si në faqen zyrtare Facebook por edhe në webin zyrtar të festivalit. Për të disatën herë profesionalizmi i munguar i këtij institucioni, i cili edhe pas shumë përpjekjeve për të sjellë risi në produksionet e tij, duket se do të vazhdojë të na shoqërojë akoma për shumë kohë.
Shpresojmë që pas këtij sinjalizimi drejtuesit të angazhohen në ndryshimin e logos sa më parë. Siç thotë dhe fjala e urtë popullore “Më mirë vonë se kurrë”! Apo jo? Gjithmonë duke shpresuar që kjo të jetë hera e fundit. Edhe pse dyshojmë!
