Nis nata e dytë e Fest 58

Sapo ka nisur nata e dytë e Fest ’58, aktiviteti më i rëndësishëm muzikor i fundvitit në Shqipëri, i Festivalit të Këngës një organizim ekskluziv i RTSH.

Sot priten 10 këngë të reja. Në skenë do të ngjiten Kastro Ziso me “Asaj”, Tiri Gjoci me “Me gotën bosh”, Olta Boka me “Botë për dy”, Era Rusi me “Eja merre”, Wendi Mancaku me “Ende”, Robert Berisha me “Ajo nuk është unë”, Gena me “Shqiponja e lirë”, Eli Fara dhe Stresi me “Bohem”, Arilena Ara me “Shaj” dhe Valon Shehu me “Kutia e Pandorës”.

Ashtu si dhe këngët e natës së parë edhe këngët e natës së dytë, si temë kryesore të tyre kanë dashurinë, shoqërinë, jetën e përditshme të njerëzve, por edhe jetën politike.
Organizatorët e festivalit regjisorja Vera Grabocka dhe prezantuesja Alketa Vejsiu pritet të sjellin natën e dytë mjaftë surpriza të cilat mbeten për t’u zbuluar.

Nga 20 këngët e dy netëve të para, për natën e tretë të festivalit ditën e dielë, do të konkurojnë vetëm 12 këngë. Ata do të mësohen sot në mbrëmje në Post Festival. Prej tyre juria me ekspertë vendas dhe të huaj do të përzgjedhin edhe këngën fituese të Fest ’58. Kjo këngë do të përfaqësojë Shqipërinë në Festivalin Europian të Këngës, i cili për vitin 2020 mbahet në Hollandë.

REKLAMA
loading...

KOMENTO

This site uses Akismet to reduce spam. Learn how your comment data is processed.