Honey & Blood Competition – Programi garues i filmave të Ballkanit – program kryesor I këtij festivali dhe Middle Length Competition, janë “veterane” në Prishtina International Film Festival, duke fituar gjithmonë veçanërisht vëmendje për shkak të kategorisë shumë specifike dhe të rëndësishme të kinemasë që përfaqësohet në to. Honey & Blood Competition është prezentimi dhe garimi midis 10 filmave të kinemasë Ballkanike. Filma nga Bosnia&Herzegovina, Kroacia, Bullgaria, Serbia, Mali I zi, Rumania, Greqia, etj. do tregojnë stilin, konceptin dhe realitetin e rajonit, duke e vendosur atë përballë këndvështrimit të disa jurive që do të vlerësojnë këtë program, Juria ndërkombtare e festivalit e përbërë nga tre antarë, juria Fipresci e kritikëve ndërkombëtarë të filmit që për here të pare vjen në Kosovë në festivalin PriFest, dhe juria e medias, një juri që PriFest e ka tash sa vite dhe përbëhet nga gazetarë kryesisht nga Kosova dhe Shqipëria. Një numër I madh cmimesh do të ndahen në këtë kategori andaj edhe shënon programin më me rëndësi të festivalit. Të gjithë filmat e kësaj kategoria janë premiera absolute në Kosovë duke përfshirë premierën regjionale të filmit të shumëpërfolur “Gruaja e mire” në regji të aktores së njohur Mirjana Karanovic që kishte premierën në Sundance dhe Berlinale. Vlen për t’u përmendur edhe filmi “Vdekja në Sarajevë” e regjisorit Danis Tanovic, fitues i Oscar, që sapo u shfaq në Berlinale dhe fitoi Ariun e Argjendte! Middle – Length Competition gjatë këtij viti ka përzgjedhur plot 11 filma të metrazhit të mesëm, të gjithë premiera në Kosovë, dy prej tyre premiera regjionale dhe mbi të gjitha, ne ekranin e PriFest do shfaqet “The Trail”, filmi i cili prezantohet për herë të parë në Europë dhe Ballkan pra si Premierë Europiane . Në këtë kategori e hapur për filma nga mbarë bota publiku do të ketë mundësi të ndjek filmat nga Korea e Jugut, Irani, Polonia, Franca, Maqedonia, Gjermania dhe shumë shtete tjera. Gara në këtë kategori bëhet për Hyjneshën e Argjendtë për filmin më të mirë të metrazhit të mesëm. Kliko ne link per te pare seleksionin e filmave ne keto kategori
Honey and Blood Program (Balkan Competition) Programi Mjaltë dhe Gjak (Program garues I Ballkanit)
PREMIERE RAJONALE
A GOOD WIFE – Mirjana Karanović, 1h 30min / Serbi, Bosnje dhe Herzegovinë, Kroaci, 2016 Kur personazhi kryesor, Milena (50) e diagnostikuar me kancer, ndërkohë zbulon gjëra shumë të tmerrshme për të kaluarën e burrit të saj për të cilin kishte menduar se ishte burri ideal. Ajo filloi të “zgjohej” nga parajsa në të cilën mendonte se ka jetuar.
PREMIERE
THE HIGH SUN / ZVIZDAN – Dalibor Matanic/ 2h 3min /Kroaci, Serbi, Slloveni, 2015
Tri histori të ndryshme dashurie, të vendosura në tri dekata të njëpasnjëshme, në dy fshatra fqinje në Ballkan me barrë një histori të gjatë urrejtjeje mes grupeve etnike; ky është një film për rreziqet-dhe forcën e duruar – të dashurisë së ndaluar.
PREMIERE
WHY ME? / DE CE EU? – Tudor Giurgiu/ 130min /Rumani, Bullgari, Hungari 2015
Christian, një prokuror i ri në moshë, me karrierë ideale e cila është në rritje, përpiqet të godas një rast kundër një kolegu të tij i cili akuzohej për korrupsion. Dilema e zgjedhjes mes karrierës së tij dhe të vërtetës mban peshë të madhe mbi supet e tij. Përderisa hulumtonte më tej për zgjidhjen e rastit, ai hyn në një zonë rreziku ku ballafaqohet me zbulime të papritura dhe të dhimbshme.
PREMIERE
DEATH IN SARAJEVO – Danis Tanovic / 1h 25min / Bosnie dhe Hercegovinë, Francë 2016
Hoteli “Europe” (Në xhirime u përdorë Holiday Inn i Sarajevës) po përgatitet për një mbledhje të madhe të Bashkimit Evropian, për njëqind vjetorin e vrasjes së Archdukës Franz Ferdinand nga Gavrilo Princip. Nuk do të mund të ishte në kohë më të keqe: Hoteli nuk ka fonde të mjaftueshme, banka refuzon të financojë me kredit dhe punëtorët, të papaguar për dy muaj, janë gati për të bërë grevë. Omer, menaxheri i qetë, do të bëjë gjithqka mundet për të parandaluar stafin nga lërja e punës edhe nëse kjo do të thotë që të kërkojë nga Enco, pronari gangster i klubit të vallëzimit ekzotik, të marrë rrugacët e tij për të rrahur udhëheqësin e punëtorëve.
PREMIERE
A BLAST – Syllas Tzoumerkas/ 1h 23min / Greqi, Gjermani, Hollandë 2014
Maria është duke ikur në autostradë. Ajo është duke vozitur vetëm në SUV e saj. Mrapa saj, zjarr dhe një valixhe e mbushur me para. Para saj, shtrihet hapësira e madhe e pashpresë e rrugës. Vetëm një ditë më parë ajo ishte një nënë e dashur, një grua e dashur, një vajzë e përgjegjshme. Sot ajo u bë mashtruese.
PREMIERE
SIVAS – Kaan Müjdeci/ 97min / Turqi 2014
Pasi një djalë i ri shpëtoi një qen fisnik Kangal që ishte rrahur pas një beteje të ashpër, u krijua një lidhje që sfidoi traditat e fshatit dhe fisit që e shtynë atë në botën e burrërisë.
PREMIERE
THE JUDGEMENT – Stephan Komandarev/ 107min / Bullgari2014
Mityo ka humbur gjithçka që për të kishte rëndësi: gruan e tij, punën e tij dhe shpresat e tij. Dhe tani është duke humbur edhe besimin e djalit të tij të vetëm , Vaskos. Nga dëshpërimi, Mityo pajtohet të kontrabandojë imigrantë refugjatë Sirian përmes malit për në Bullgari. Por, shumë shpejt do të zbulojë nëse do mund të falet për një gabim të tmerrshëm të bërë 25 vite më parë.
PREMIERE
CHILDREN FROM MARX AND ENGELS STREET / – Nikola Vukcevic/ 96min / Mali i Zi 2014
Një histori e rinisë së dy vëllezërve: në të njëjtën natë – vëllau i madh, Stanko (30), do të vrasë një njeri për herë të parë – dhe vëllau i vogël Vojo, do të bëjë dashuri për herë të parë. Shumë gjëra do t’i ndohin dy vëllezërve në atë natë që do t’i bëjnë ti rishiku domethënien e fjalëve: familje, besim, rini, besnikëri dhe prioritet. Çfarë tingëllon si gjë e lehtë – në fakt nuk është fare në Ballkan… por cili është çmimi i te qenurit i vetkenaqur?
PREMIERE
OUR EVERYDAY LIFE – Ines Tanović/ 89min / Bosnie dhe Herzegovinë, Slloveni, Kroaci 2015
Një gjeneratë e tërë të cilët tashmë janë në të dyzetat, humbën rininë e tyre në luftë. Mileniumi I ri nuk ju kishte ofruar as lirinë, as punë të suksesshme, as përparim; thuajse jeta e tyre është pauzuar.
PROGRAMI GARUES I METRAZHIT TË MESËM
PREMIERE EUROPIANE
THE TRAIL – Elke Brugger/ 34min / Gjermani 2015
Rainer dhe Sarah duan të rifillojnë jetën e tyre së bashku. Kështu, vendosin të falsifikojnë zhdukjen e tyre gjatë një ecje në një mal të afërt. Por, çfarë do të ndodhë kur plani I tyre në dukje perfekt do të ballafaqohet me probleme?
PREMIERE REGJIONALE
HORN – Sungbin Byun / 29 min / Korea e Jugut 2014
Një nxënës i shkollës së mesme mban një fashë mbi ballin e tij. Duke supozuar që nën të fshihet një bri, shokët e tij planifikojnë të ja heqin fashën dhe ta zbulojnë.
PREMIERE RAJONALE
FREE PARTY – Fred Gélard/ 37min / Francë 2014
Julian, 18 vjeçar, arrin palajmëruar tek vendi i gjysëm vëllaut të tij Max. Max, 26 vjeçar, jeton në një kamion në një kamp të udhëtarëve në mes të pyllit. Julian bie në dashuri me Lisen, një e dashur e rastësishme e Maxit, cka ata i bën të dëmtojnë bashkimin e tyre.
PREMIERE A SURPLUS OF WIND
– Dane Komljen/ 24min / Francë, Bosnie & Hercegovinë, Serbi 2014
Dy burra, një në Perëndim, një në Lindje, vëllezër. Në të dy vendet, jeta është mbytur, e vetmuar, e papërshkrueshme. Këtu, dritaret janë të pikturuara, kabllot e rilidhura dhe cigaret e tymosura; atje, gjatësia ka notuar, kutia e shkrepëses është gati, transaksionet e kryera. Çfarë ështe ajo që i lidh këto gjëra? Pishina të dimrit, tingujt e një zile, një plumb që kalon përmes kockave? Një letër mund të ndjehet si një ëndërr, jehonat që ajo hedh nga biznesmenët japonez, pikat e ujit që fluturojnë nëpër ajër dhe breshkat që vrapojnë në breg, të gjitha së bashku të mbajtura nga kënga e zogjve. Por çfarë ndodh kur zjarri digjet, imazhet fillojnë të shpërbëhen dhe nuk mund të ëndërrojnë më? Vendet në qytet janë aty për të zënë vendin e tyre; bosh, i pandjeshëm, i larë në dritën e ftohtë të agimit. Paratë kanë ndërruar duart, ne mund të shkojmë në jug së bashku, pëshpëriti vetes se nata është vetëm hapësirë.
PREMIERE
SHOOTING STAR – Lyubo Yonchev/ 28min / Bullgari, Itali 2015
Lilly një nënë e divorcuar e dy fëmijeve – Martin dhe Alexandra. Në një mbrëmje të ftohtë Martin merr Alexandren nga kopshti. Në rrugët e errëta të lagjes ata bëhen pjesë i një aksidenti tragjik. Lilly dhe fëmijet e saj duhet të marrin vendime të vështira, pasojat e të cilit do të ndryshojë jetën e tyre.
PREMIERE
LARP – Kordian Kadziela/ 27min / Poloni 2014
ergiusz, shtatëmbëdhjetë vjeç, ndihet i keqkuptuar nga familja e tij. Disa nga hallat e tij e ngatërrojnë atë me kushëririn e tij, vëllaun më të vjetër, Remigiusz i cili nuk flet me të dhe babai i tij dëshiron ta bëjë atë boksier me famë botërore. Djali gjen strehë tek pasioni i tij i madh, botën e shkencës dhe trillimit.
PREMIERE
THE SANDWICH ISLAND MAN – Levon Minasian / 26 min / Francë 2015
12 vjeçarit Lio, një fëmijë i vetëm i cili jeton me nënën e tij beqare, i ipet një detyrë shkolle të përshkruaj vendlindjen e babait të tij. Problemi i vetëm është që ai nuk e ka njohur kurrë atë. Shumë shpejt, Lio zbulon se babai i tij ka prejardhjen nga një ishull i vogël, i pabanuar dhe i humbur diku në Oqeanin Jugor, i quajtur “Sandwich.”
PREMIERE
ELEGY – Yousef Kargar/ 29min / Iran 2015
Një plak, një pritshmëri, një shpresë. Filmi tregon historinë e një plaku i cili është në pritje të rikthimit të djalit të tij i cili është zhdukur për 25 vjet.
PREMIERE
THE UNIVERSE IN US – Lisa Krane/ 30min /Gjermani2015
Mjekët gjejnë një keqformim anatomik në trupin e balerines Li – zemra e dytë është rritur në gjoksin e saj. Pavarësisht nga një seri e plotë e kontrolleve ata dështojnë për të gjetur shkakun e deformimit, por ata vendosin të bëjnë një kirurgji korrigjuese . Li ka dyshime nëse operacioni është për të mirën e saj.
PREMIERE
THE LAST ACT – Dina Duma/ 28min / Maqedoni 2014
Një histori lufte e vendosur në Maqedoninë e vitit 1942, një aktore e re prej Italisë vjen ta vizitoj të dashurin e saj, një gjeneral italian Giancarlo. Një mëngjes, prej mërzisë, ajo vë uniformën fashiste të Giancarlos dhe vjedh motoçikleten e tij. Ajo është duke kërkuar për dicka intriguese të ndodhë, dicka glamuroze që ndodhë vetëm në filma. Është pikërisht ai vend ku ajo mirret peng nga partizanët maqedonas dhe aty ajo kupton qe ky mund të jetë roli i fundit që ajo luan. Historia tregohet nga dy pikëpamje, ajo e Maries dhe Anes. Ana është ajo vajza e cila është duke pritur për partizanin e saj të kthehet nga lufta, po ai nuk kthehet. Ai është pengmarrësi i Maries, dhe të dy përfundojnë në një kurth që perfundon në mënyrë tragjike.
PREMIERE
THE RULES OF THE GAME – Wojciech Jagiełło/ 33min / Poloni2013
Tomasz është student i vitit të parë për inxhinieri mjedisore. Ai ka kaluar në qytet nga një fshat i vogël dhe po mundohet të gjejë rrugën e tij në mjediset totalisht të panjohura për të në një qytet metropol.
