Prej më shumë se një viti tanimë, këngëtarja shqiptare Era Istrefi është aluduar në media se është në një marrëdhënie me këngëtarin britanik Julian Perreta.
Dyshja janë fotografuar shumë herë bashkë dhe vazhdojnë të publikojnë foto e video bashkë në rrjetet sociale. Po ashtu, nuk kanë munguar komentet që ata kanë bërë ndaj njëri-tjetrit, ku Juliani tërhoqi vëmendjen me një koment të fundit që la në foton e Erës.
Së fundmi, Juliani i është përgjigjur pyetjeve të fansave dhe ka hedhur poshtë dyshimet se ata janë në një romancë kur një fans e ka pyetur se cila është marrëdhënia që ka me këngëtaren shqiptare. “Era Istrefi është shoqja ime më e mirë. E dua shumë! Kemi kaluar shumë gjëra bashkë! Kemi udhëtuar rreth botës bashkë! Kemi jetuar bashkë! Nuk mund të ishim më pranë se kaq! Ajo është e gjithë bota për mua”, ka thënë Juliani dhe në një Instastory tjetër pranon se flet me këngëtaren shqiptare përditë.
Edhe Era e ka konfirmuar këtë fakt, duke publikuar foton me Julianin dhe ka shkruar “më mungon shoku im i ngushtë Juuul”, duke lënë të kuptohet se ata janë thjesht miq.