Ka nisur me një spektakël të vërtetë nga Jonida Maliqi, Festivali i 58-të i Këngës!
Pas shumë javësh pritjeje ka nisur zyrtarisht nata e parë e Festivalit të 58 -të Këngës, ashtu siç ishte premtuar nga dyshja Vera Grabocka – Alketa Vejsiu.
Fituesja e vitit të kaluar, Jonida Maliqi ka çelur spektaklin e hipur në një piramidë të mbuluar me të kuqe 2.5 metra të lartë duke kënduar “Ktheju Tokës”.
Edhe këtë vit, Jonida ia kishte besuar veshjen e saj Ardi Asllanit, i cili kishte krijuar një kryevepër mbi trupin e Jonidës.
https://www.youtube.com/watch?v=eCgo8s1JRPA
Drejtuesja e festivalit Alekta Vjesiu solli më pas në skenë hap pas hapi 10 këngë nga 20 që janë përzgjedhur për këtë festival i cili vjen me regjinë e së mirënjohurës Vera Grabocka.
I pari u ngjit në skenë Bojken Lako me këngën “Malasen”, më tej Kanita me këngën e titulluar “Ankth”, Devis Xherahu me “Bisedoj me serenadën”, Sara Bajraktari me “Ajër”, Genc dhe Nadia Tukiçi me këngën “Ju flet Tirana”, Kamela Islamaj me këngën “Më ngjyros”, Elvana Gjata me këngën “Me Tana”, Aldo Bardhi me “Melodi”, Renis Gjoka me “Loja” dhe Albërie Hadërgjonaj me “Ku ta gjej dikë ta dua”. Këngët u shoqëruan nga Orkestra Sinfonike e RTSH-së, Nderi i Kombit.
https://www.youtube.com/watch?v=lftCD_CEg2g
Por, drejtueset artistike të festivalit, Vera Grabocka dhe Alketa Vejsiu kanë zgjedhur të bëjnë edhe humor. Mungesën e dialogut politik në vend e kanë ironizuar me aktorë të humorit, duke bërë bashkë në mënyrë personifikuese tre politikanë kryesorë në vend; Edi Ramën, Sali Berishën dhe Jozefina Topallin.
Nata e parë e Fest ’58 ishte një spektakël prej më shumë se 120 minuta, ku ishin të ftuar dhe figura emblematike të muzikës së lehtë shqiptare mes tyre Luan Zhegu, artisti i njohur nga Italia Mahmood, por edhe të ftuar të tjerë. Nata e parë u mbyll me këngën himn “Rrjedh në këngë e ligjërime” një duet mes tenorit të njohur Gëzim Myshketa dhe drejtueses Alketa Vejsiu.
Të premten publiku do të ndjeki 10 këngët e natës së dytë. Ndërsa nata finale do të zhvillohet të dielën. Në përfundim do të mësohet dhe kënga fituese e Fest ’58 e cila do të përfaqësojë Shqipërinë në Festivalin Europian të Këngës.
