SANREMO 2020 | Gjithçka do të ndiqni gjatë netëve të festivalit të 70-të të Këngës Italiane

Udhëzuesi i plotë për të ndjekur Festivalin e 70-të të Këngës Italiane

Sanremo 2020 është gati të ngrejë siparin. Të martën, 4 Shkurt do të nisë zyrtarisht edicioni i 70-të i Festivalit të Këngës Italiane, i pari që sjellë në rolin e prezantuesit dhe Drejtorit artistik Amadeus.

Në vazhdim ju sjellim një guidë të plotë të festivalit me programin e çdo mbrëmje, të ftuarit, duetet e të enjtes, prezantueset, mes te cilave edhe Alketa Vejsiu.

E martë, 4 shkurt

Prezantueset

Rula Jebreal, Diletta Leotta

Në garë

Mbrëmjen e parë do të jenë në garë 12 nga 24 këngëtarët pjesëmarrës që do të vlerësohen nga juria profesionale. Në përfundim të mbrëmjes do të nxirret klasifikimi paraprak.

Katër nga tetë propozimet e reja do të sfidohen në çift në një përballje të drejtëpërdrejtë dhe do të votohen nga juria profesionale. Vetëm dy pjesëmarrës do të vazhdojnë garën në mbrëmjen e së enjtes.

Të ftuar

Fiorello dhe Tiziano Ferro.

Trupa e aktorëve të filmit të ri të Gabriele Muccino, Gli anni più belli: Pierfrancesco Favino, Micaela Ramazzotti, Kim Rossi Stuart, Claudio Santamaria dhe Emma Marrone që do të performojë për të festuar dhjetë vitet e saj në karrierën si këngëtare.

E mërkurë, 5 shkurt

Prezantueset

Sabrina Salerno, Emma D’Aquino dhe Laura Chimenti

Në garë

Do të ngjiten në skenën e teatrit Ariston dymbëdhjetë artistët e kategorisë Big. Do të votojë juria profesionale dhe në fund të mbrëmjes do të zbulohet renditja me 12 këngëtarët që do ti bashkohen emrave të rinj.

Katër propozimet e reja do të sfidojnë njëri-tjetrin në dy përballje dhe vetëm dy prej tyre do të vazhdojnë fazën tjetër.

Të ftuar

Tiziano Ferro dhe Fiorello.

Do të rikthehen në skenën e Ariston, grupi i mirënjohur Ricchi & Poveri.

E enjte, 6 shkurt

Prezantueset

Georgina Rodriguez, Alketa Vejsiu

Në garë

Në këtë mbrëmje 24 këngëtarët big në garë do të këndojnë këngë nga Sanremo në vite të vetëm ose në duet me emra të njohur të muzikës italiane.

Do të votojnë muzikantët e Orkestrës së Sanremos. Votat do të mblidhen me totalin e pkëve që do të përcaktojnë klasifikimin final.

Të ftuar

Tiziano Ferro, mysafir në të gjitha netët e festivalit, do të këndojë në duet me Massimo Ranieri vargjet e Perdere l’amore.

Të ftuar nga arena ndërkombëtare do të jenë Mika dhe Lewis Capaldi, si edhe aktori italian Roberto Benigni.

E premte, 7 shkurt

Prezantuese

Antonella Clerici, Francesca Sofia Novello

Në garë

Mbrëmja do të nisë Gjysëmfinalen me propozimet e reja. Katër artistët e mbetur në garë do të sfidojnë njëri-tjetrin në një përballje dhe vetëm dy prej tyre do të vazhdojnë garën.

Ata do të vlerësohen nga juria profesionale, nga juria e shtypit, Televizionit, Radios, Web-it dhe televotimi.

Në vazhdim do të performojnë 24 kampionët në garë vetëm nga juria e shtypit, Televizionit, Radios, dhw Web-it. Mesatarja nga përqindja e votave do të përcaktoj klasifikimin e mbrëmjes që sëbashku me do të mblidhen me totalin e mbrëmjeve të kaluara.

Dy artistët e rinj të mbetur në garë do të sfidojnë njëri-tjetrin në një përballje dhe do të vlerësohen nga të gjitha juritë që do të zbulojnë fituesin e propozimeve të reja të Sanremo 2020.

Të ftuar

Fiorello dhe Tiziano Ferro.

Nga emrat e muzikës italiane të do të jetë Johnny Dorelli ndërsa nga muzika ndërkombëtare shqiptarja Dua Lipa dhe Ghali.

E shtunë, 8 shkurt

Prezantuese

Mara Venier, Diletta Leotta, Sabrina Salerno, Francesca Sofia Novello

Në garë

Do të ngjiten në skenën e teatrit Ariston këngëtarët big që do të votohen nga juria profesionale, juria e shtypit, televizionit, radios, web-it dhe televotimi. Votimet e mbledhura do i bashkohen atyre të mbrëmjeve të kaluara për të përcaktuar renditjen definitive.

Tre artistët e parë në renditje do të këndojnë edhe njëherë dhe do të votohen nga të gjitha juritë. Votimi i kësaj radhe do të shpalli fituesin e Festivalit të Sanremo 2020.

Të ftuar

Trupa e aktorëve të filmit të Fausto Brizzi, La mia banda suona il pop, si Christian De Sica, Diego Abatantuono, Massimo Ghini, Paolo Rossi dhe  Donatella Finocchiaro.

Një tjetër i ftuar do të jetë Vittorio Grigolo.

SKENOGRAFIA E FESTIVALIT TË SANREMO 2020

Këtë vit është rikthyer për të realizuar skenën e festivalit i madhi Gaetano Castelli, i cili mban firmën e skenografisë së prej vitesh të Këngës Magjike.

REKLAMA
loading...

KOMENTO

This site uses Akismet to reduce spam. Learn how your comment data is processed.