Jasmina dhe Andi janë njëri prej çifteve më të komentuar të sezonit të dytë të “Për’puthen”. Ndonëse dolën të dy nga programi, ata i dhanë fund lidhjes pas pak ditësh. Ndarja e tyre ishte e bujshme me deklarata dhe akuza të forta ndaj njëri-tjetrit. Asokohe, shkak u duk se u bë xhelozia e Jasminës për marrëdhënien e Andit me këngëtaren Diona Fona, me të cilën ai bashkëpunoi për një klip.
Sakaq, Jasmina ka deklaruar se ka nisur një lidhje të re. Ajo nuk e ka zbuluar se kush është partneri i saj po është shprehur shumë e lumtur. Prej javësh emrat e tyre nuk janë komentuar krah njëri-tjetrit në rrjetet sociale mirëpo së fundmi ata u janë rikthyer deklaratave të forta teksa të shtunën u përballën gjatë “Për’puthen Prime”.
Ditën e sotme Andi feston ditëlindjen dhe Jasmina bëri një postim të çuditshëm. Ajo publikoi në Instastory disa copë torte, ku në to kishte shkruar shkronjën A, duke lenë hapësirë për dyshime që këtë ia ka dedikuar pikërisht Andit, apo ka qenë pranë tij.
Nuk kaluan shumë minuta dhe duket se ajo u pendua duke e fshirë këtë postim. Nuk e dimë nëse e gjithë kjo ishte për të marrë vëmendje apo ka ndonjë shpresë për ribashkim mes tyre.
