Ka përfunduar edicioni i 68-të i Sanremo, Festivalit të Muzikës Italiane i cili edhe këtë herë përcolli ndjesi tepër të veçanta nga skena e Teatrit Ariston.
I transmetuar gjithashtu edhe në Shqipëri nëpërmjet RadioTelevizionit Shqiptar, Sanremo 2018 ka përzgjedhur edhe përfaqësuesin e Italisë në Festivalin Europian të Këngës.
Këtë vit, kënga më e diskutuar e festivalit e cila u pezullua me pretendimin e të drejtave të autorit por që u rikthye përsëri në garë pasi ato ranë poshtë, është shpallur kënga fituese e këtij edicioni të eventit të RAI-t. Kënga e shqiptarit nga Fieri, Ermal Meta dhe partnerit të tij në performancë, Fabrizio Moro, “Non Mi Avette Fatto Niente” do të jetë ajo që do të përfaqësojë shqipërinë në Eurovision 2018 në Lisbonë në muajin Maj.
Ermali do të jetë Shqiptari i tretë i cili do të ngjitet në skenën e madhe të ESC, pas Eugent Bushpepës si përfaqësues i Shqipërisë dhe Eleni Foureira nga Patosi i Fierit, (vetëm artistë paska provuar Fieri) e cila do të jetë përfaqësuesja e Qipros./IMA/
https://www.youtube.com/watch?v=R0NF8BZlH4I
