Sonte nata finale e Eurovision 2019 drejtëpërdrejt në RTSH, ja se si mund të votoni për Shqipërinë!

Festivali Evropian i Këngës, Eurovision Song Contest 2019, që këtë edicion mbahet në Izrael do të sjelli në natën finale edhe performancën e Shqipërisë e cila arriti të kualifikohej në natën e dytë gjysmë finale e përfaqësuar nga Jonida Maliqi me këngën “Ktheju Tokës”.

Përveç perfomancave të artistëve si dhe vendeve automatikisht të kualifikuara në natën finale, Eurovision do të sjelli edhe performanca bombastike të artistëve që kanë garuar ndër vite, ndër to edhe Eleni Fureria, shqiptarja që u ngjit në skenë vitin e kaluar.

“Ktheju Tokës”, kënga përfaqësuese në Eurovision 2019 si rrallëherë ka marë pëlqime tepër të mëdha nga publiku madje shpesh duke shkuar në listën e pretendentëve për të fituar këtë edicion të Festivalit të njohur.

Tashmë siç është bërë traditë në RadioTelevizionin Shqiptar, Nata Finale e ESC 2019 do të transmetohet drejtëpërdrejt në RTSH 1 si dhe Radio Tirana 1 duke filluar nga ora 21.00 që mund të ndiqet në faqen zyrtare të televizionit, nën komentimin e Andri Xhahut, moderatorit dhe folësit tashmë historik të eventit të njohur.

Edhe pse sipas procedurave të votimit rezidentët e një vendi konkurues nuk mund të votojnë përfaqësuesen e tyre në Eurovision, kërkohet përkrahja e të gjithë shqiptarëve për të votuar për Jonida Maliqin në këtë event sipas procedurave të mëposhtme:

Pasi performancat të kenë mbaruar të gjithë ata që jetojnë jashtë Shqipërisë mund të votojnë përmes kodit “02” duke dërguar SMS në numrat që iu shfaqen në Televizionin Publik ku jetojnë gjatë transmetimit direkt të festivalit. Më poshtë gjendet edhe përmbledhja e të gjithë numrave në të gjitha shtetet që kanë të drejtën e votimit./IMA/

Burimi: Facebook/Eurovision Albania

 

REKLAMA
loading...

KOMENTO

This site uses Akismet to reduce spam. Learn how your comment data is processed.