Shqipëria do të debutojë sot në ëndrrën Europiane. Kombëtarja Shqiptare do të luajë në drekë takimin e parë në kompeticionin e Francës, kundër Zvicrës, në stadiumin “Bollaert-Delelis”.
Kuqezinjtë do të zbresin në fushë në orën 15:00, në ndeshjen që zhvillohet në qytetin e Lens, për të shkruar një tjetër histori. Ky takim do të jetë shumë i veçantë jo vetëm për faktin se është hera e parë që Kombëtarja luan një ndeshje Europiani, por edhe përballjen mes vllezërve Xhaka.
Për herë të parë në historinë e një Europiani do të luajnë kundër njëri-tjetrit dy vëllezër, Taulanti që do ta mbajvë veshur fanellën e kombëtares kuqezi dhe Graniti që do të përfaqësojë Zvicrën. Për 90 minuta ata nuk do të jenë vëllezër por dy rivalë që do tu vinë në ndihmë skuadrave të tyre respektive për ti bërë nisjen më të mirë të mundshme europianit francez. Përballjes mes Taulantit dhe Granitit të Shtunën në Lens i kanë kushtuar një rëndësi të vecantë mediat ndërkombëtare.
E përditshmja madrilene nënvizon se kjo do të jetë sfida e parë si kundërshtarë mes dy vëllëzërve në një kampionat europian, më herët një gjë e tilla ka ndodhur në Kupën e Botës Brazil 2014 mes vëllëzërve Boateng në sfidën Gjermani-Ganë.
Graniti, talenti i jashtëzakonshëm i të cilit u vu re më shpejt, zgjodhi të përfaqësojë Zvicrën vendin ku ka jetuar për vite me rradhë dhe ku u rrit si futbollist ndërsa Taulanti në 2013-tën vendosi të pranojë kërkesën e federatës shqiptare të futbollit për të luajtur me vendin e tij të origjinës. Jo vetëm Shqipëri-Zvicër por edhe Taulanti përballë Granitit, debutimi i kombëtares kuqezi në Euro 2016-të do të jetë special për shumë arsye.
Ndeshjen Shqipëri-Zvicër do të transmetohet falas në Top Channel dhe kanalin me pagesë SS2-SS2HD.
Marrë nga supersport