I përfoluri i mediave, për arratisjen e tijë nga komiosariati i policisë ku mbahej në arrest, reperi Stresi ka dal në një intervistë live me skype mbrëmjen e sotme në emisionin Zonë e Lirë të gazetarit Arian Cani në TV Klan. Ai ka treguar të vërtetën rreth ngjarjes së arrestimit të tijë.
“Atë natë kam qënë në koncert dhe papritur kam parë që ishim në ndjekje nga një makinë që kishte forca ploicie gjatë gjithë kohës. Shumë forca policore në Laprakë në afërsi të Pallatit të Sportit “Asllan Rusi” na kanë ndaluar. Më shoqëruan direkt në komisariat, kur nuk kishin asnjë fletë shoqërimi. Unë isha pasagjerë në makinë dhe nuk isha në timon, në timon ndodhej një miku im. Më kanë mbajtur në komisariat dhe me është bërë testi i alkolit dhe nuk kam dalë i pirë edhe e kam firmosur unë atë letër” ka deklaruar Stresi për ngjarjen. Përveç kësaj Stresi ka treguar se si ai është arratisur nga komisariati numër 3 në kryeqytet.
“Donin të më fusnin në birruc dhe ju thashë që para se të më çonin të më lejonin të pija një cigare dhe dola në katin e dytë, ndërkohë policët po bënin dokumentat dhe une u hodha dhe direkt jam larguar nga komisariati pa kthyer kokën mbrapa. Unë jam “Robin Hood”, ka thënë Stresi.
Ai ka deklaruar që arratisja ishte një revoltë e personale për shkak të padrejtësisë që po i bënin. “Shpallja ime me zë të lartë që unë jam përkrahës i një partie politike ka qënë arsyeja e arrestimit tim.
Pas intervistës së fundit të Stresit në emisionin Zonë e Lirë, atij i është pushuar e ëma nga puna si juriste në Airoportin e Rinasit. Stresi është pyetur nga Arian Cani se ku ndodhet dhe ai ka thënë që ndodhet 3000-4000 kilometra larg Shqipërisë, në një shtet tjetër Eurpoian ku ka fituar edhe azil politik.
IMA / G. Qerimi
