Edhe 3 ditë na ndajnë nga eventi i shumëpritur i vitit. Edicioni i parë i Top Music Awards duket se do të mbetet gjatë në kujtesën e publikut. Një punë kolosale është duke u bërë këto ditë në Pallatin e Kongreseve, si në ambientet e jashtme ashtu edhe ato të brendëshme, ku do të zhvillohet ceremonia e ndarjes së cmimeve muzikore të muzikës moderne shqiptare.
Ajo që ka rënë në sy të kalimtarëve gjatë orëve të fundit ka qenë pikërisht fasada e Pallatit të Kongrese, e cila është mbuluar e gjitha e që pritet të vishet me motivet e eventit muzikor për të qenë gati në datë 24 Qershor për Red Carpet. Një tapet i kuq madhështor do të mirëpres personazhet e njohur të muzikës, artit dhe televizionit të cilët do të parakalojnë përpara nisjes së eventit madhështor në brendësi gjatë një atmosferë të paparë ndonjëherë.
Sikurse ju kemi informuar, këtë edicioni “Tapeti i Kuq” do të vij live në Top Channel, duke filluar nga ora 20.00 në drejtimin e Isli Islamit dhe Xhemi Shehut.
