Xhensila Pere u bë e njohur nga pjesëmarrja në Big Brother Albania dhe prej asaj kohe ajo ka vendosur që të mos i ndahet më ekranit. Më pas ajo u bë pjesë e ‘Miss Universe Albania’ dhe tani së fundmi është njëra prej pjesëmarrëseve të spektaklit ‘Dance With me” në Tv Klan.
Në një intervistë të dhënë për Gazetën Shqiptare ajo është shprehur se kërcimi ka qenë gjithmonë një ëndërr për të dhe tani është më e vendosur se kurrë që nuk t’i ndahet më botës së televizionit.
E pyetur nëse ajo është e dashuruar ose jo, Xhensila u përgjigj: ‘Po jam e dashuruar por, me kërcimin’, duke mos na bërë asgjë të ditur për ndonjë lidhje të mundshme. Madje ajo ka mohuar kategorikisht faktin se mes saj partnerit në ‘Dance With me’, Tirmit të ketë ndonjë lidhje të mundshme dashurie.
Për këtë ajo është shprehur se, mes saj dhe Trimit nuk ekziston asnjë lidhje apo flirt, madje ata shkojnë me njëri-tjetrin si Tomi&Jerry. Gjithashtu Xhensila na ka bërë me dije se së shpejti ajo do publikojë një set fotografik për të cilin ka nisur të punojë.
Për sa i përket marrëdhënieve me meshkujt apo ngacmimet që mund t’i vijnë nga meshkujt VIP, ajo është shprehur: ‘Meshkujt bëjnë detyrën, hedhin grepin, por pastaj ngelet për t’u parë nëse arrijnë të peshkojnë’. Ajo nuk ka rrëfyer asnjë emër në fakt duke e mbyllur me fjalët: ‘Fola shumë’.
