Shefi i Komisariatit Nr.4 në Tiranë, Fatmir Lleshi u pezullua nga detyra, pasi dhunoi kameramanin e ABC News, Dritan Peca pa asnjë shkak. Për disa orë, kameramani u mbajt i izoluar në Komisariat, pasi ishte dhunuar nga shefi i policisë, për të cilin kanë nisur hetimet.
Grupi i xhirimit i ABC News ka qenë duke përgatitur një kronikë në rrugën përballë komisariatit nr. 4 në Tiranë, kur pranë tyre u shfaq i nervozuar shefi i Policisë Fatmir Lleshi. Duke bërtitur ai ka kërkuar nga drejtuesi i mjetit të lëvizë me urgjencë makinën e tij. Në pak sekonda, ndërsa kameramani Dritan Peca zbriti nga makina duke nxjerrë kamerën dhe mjetet e tjera të punës, shefi i Komisariatit ka shpërthyer në kërcënime dhe sharje.
Përpjekjet e gazetarëve Leontina Nikaj dhe Eni Shehu për ta qetësuar shefin e komisariatit Fatmir Lleshi kanë qenë të kota.
Pa asnjëshkak, kameramani i ABC Neës Dritan Peca u shoqërua nëpolici dhe u mbajt aty për disa orë. Pas kësaj ngjarje, ABC News reagoi dhe kërkoi ndërhyrjen e menjëhershme të Drejtuesve të Policisë së Shtetit për këtë incident ndaj gazetareve, hetim të menjëhershëm të ngjarjes.
Me urdhër të Drejtorit të Policisë së Tiranës, pezullohet nga detyra shefi i komisiariatit nr. 4 Fatmir Lleshi, pas incidentit të rëndë dhe dhunës së ushtruar ndaj një grupi xhirimi të ABC News
Me pezullimin nga detyra, edhe oficerët e Shërbimit të Çështjeve të Brendshme dhe Ankesave pranë Ministrisë së Brendshme kanë nisur hetimet për veprën penale të “kryerjes ësë veprimeve arbitrate” në ushtrimin e detyrës.
ABC News kërkon gjithashtu që Prokuroria të hetojë për dhunën e ushtruar ndaj gazetarëve. ABC News bën të ditur se do të dorëzojë kallëzim penal në Prokurori ndaj shefit të Komisariatit nr.4 të shoqëruar dhe me materiale filmike që tregojnë këtë incident të rëndë.
Marre nga ABC News