EBU, rrjeti evropian i transmetuesve publikë ka bërë të ditur se 19 vende evropiane do të marin pjesë në edicionin e e 17-të të Junior Eurovision Song Contest (JESC), në Gliwice-Silesia të Polonisë më 24 nëntor.
Shqipëria, Armenia, Australia, Bjellorusia, Franca, Gjeorgjia, Holanda, Irlanda, Italia, Kazakistani, Malta, Maqedonia e Veriut, Polonia, Portugalia, Rusia, Serbia, Spanja, Ukraina dhe Uellsi do të garojnë për të fituar vendin e parë në Festivalin Evropian të Këngës për Fëmijë.
Transmetuesi publik polak TVP, do të jetë organizatori kryesor i festivalit i cili do të mbledhe talentet e reja evropiane nga mosha 9 deri 14 vjeç në Arena Gliwice.
Për Poloninë, kjo është hera e parë që mikpret Junior Eurovision pas fitores së këngëtares së re Roksana Weigel vitin e kaluar në Minsk të Bjellorusisë.
Spanja, e cila fitoi edicionin e dytë të JESC në vitin 2004, do të rikthehet këtë vit pas 13 vitesh mungesë në festival.
Pjesëmarrës të kaluar në Junior Eurovision, të cilët më vonë kanë përfaqësuar vendet e tyre në Eurovision Song Contest do të jenë gjithashtu pjesë e spektaklit të këtij vit. Ato janë motrat Tolmachevy të cilat përfaqesuan Rusinë në Eurovizion 2014 dhe grupi OG3NE të cilat përfaqësuan Holandën në Eurovizion 2017 duke u renditur në 10 këngët më të mira të atij viti.
Gjithashtu, fituesi ë këtij viti në Junior Eurovision do të jetë i ftuar të ngjitet dhe në skenën e madhe të Eurovizion 2020 që do të mbahet në Holandë në muajn maj të vitit të ardhshëm.
Jon Ola Sand, Drejtori i Përgjithshëm i eventeve Live të EBU-së dhe Producenti Ekzekutiv i Junior Eurovision shprehet: “Jemi shumë të lumtur të mirëpresim talentet e reja të përformojnë këtë vit në Junior Eurovision. TVP premton një spektakël të vërtetë i cili do t’u japë mundësinë çdo përfaqësueseje të shkëlqejë në skenë, teksa #NdajnëGëzimin me audiencën dhe familjën në të gjithë Evropën”.
