Një pyetje për kombëtaren shqiptare të futbollit e eleminoi Xhanin nga game-shoë “Kush do të bëhet milioner” në Turqi. Ai arriti të shkonte deri në pyetjen e 9 që kishte vlerën e 60 mijë lirave turke.
I riu nga Ankaraja u pyet se cilët sportistë u arrestuan në Londër në vitin 1990 para ndeshjes me Islandën. Lojtarët gjatë ndalesës së tyre e kishin quajtur togfjalëshin “Duty free” si falas dhe kishin bërë blerje dhe duke u larguar pa paguar. I riu turk e pati të vështirë të përgjigjej dhe të zgjidhte mes 4 alternativave ndërsa nuk kishte asnjë ndihmë në dispozicion.
Pjesëmarrësi në game-shoë u zgjodhi alternativën A ekipi i hokejit i Bashkimit Sovjetik, por përgjigjja rezultoi e gabuar. Përgjigja e saktë ishte skuadra e futbollit e Shqipërisë.
Kjo habiti jo vetëm konkurrentin, por edhe prezantuesin Kenan Imirzalioglu, që në Shqipëri njihet si Ezel, i cili u shpreh se as ai nuk e dinte përgjigjen. I riu nga Ankaraja e humbi mundësinë që të fitonte 60 mijë lira ndërsa u largua në shtëpi me 15 mijë lira.
