Pas afrimitetit të tyre në “Big Brother VIP”, Graniti i çuditi të gjithë kur tha se nuk e sheh dot Fifin më shumë se shoqe dhe se nuk kanë të ardhme bashkë si çift. Këto deklarata kanë bërë që Fifi të përjetojë kriza paniku brenda shtëpisë, dhe ndaj kanë qenë të shumta reagimet në rrjet.
Lidhur me situatën, ka reaguar edhe moderatorja Genta Cana, motra e Granitit, e cila fillimisht postoi një Instastory, ku shkruhej se vëllai i saj kishte shpëtuar nga Fifi, të cilën e kishte konsideruar “maniake” dhe “psikopate”. Madje, shkruante se afrimitet kishte parë mes tij dhe Semit, jo mes tij dhe Fifit.
Më pas, moderatorja e ka fshirë postimin dhe më pas ka sqaruar gjithë deklaratën, duke shkruar se nuk ka asgjë personale me këngëtaren, mirëpo marrëdhënia e tyre brenda shtëpisë po i dëmtonte të dy konkurrentët.
“Hej hej njerëz qetësohuni. Merreni pak më shtruar punën e Big Brother. Më kemi bombarduar me mesazhe. Asgjë nuk kam kundër Fitit si person dhe si këngëtare. E respektoj cfarëdo ndjenje mes tyre, qoftë shoqëri apo diçka tjetër dhe zgjedhja i takon atyre se janë dy të rritur. Po për lojë brenda BB duket se po dëmtojnë njeri tjetrin”-shkruan motra e Granitit.
Ndërkohë, pas gjendjes së rënduar emocionale dhe shëndetësore të Fifit, Graniti është sqaruar me të, duke i sqaruar se është ndikuar nga takimi i Borës dhe Donaldit, dhe duke e siguruar se nuk ka pëlqim për asnjë vajzë tjetër në shtëpi.
