Elton Tozaj nga BB2 dhe Fjorentina Halili nga BB9, ishin të ftuar në emisionin “Expuls” të Ronaldo Sharkës. Ata folën për këtë edicion me VIP-a si dhe për edicionet e tyre respektive.
Pyetja qe Sharka shtroi ndër të tjera për të ftuarit ishte: A është parashikuar fituesi i “Big Brother Albania VIP?”
Për këtë, Elton Tozaj tha: Po, dhe është Arjola Demiri. Është Arjola sepse është produkt i Top-it dhe ajo po luan mirë, siç i kanë thënë. Big Brother tani fillon vërtetë. Këtë e pohoi dhe Fjorentina.
Sipas dy ish konkurrentëve, emrat qe lakohen si fitues, si Donaldi dhe Iliri nuk fitojnë. Elton Tozaj shtoi gjithashtu se në edicionin e tij, në dhomën e rrëfimit ka marrë instruksione.
Megjithatë, produksioni dhe moderatorja Arbana Osmani i kanë mëshuar gjithmonë faktit që ky reality-show është pa skenar.