Për herë të parë në Shqipëri “Big Brother Albania VIP” do të vijë këtë tetor në transmetim me prezantuese Arbana Osmanin.
Që kur u njoftua se ky reality do të rikthehej në ekran, kanë qenë të shumta thashethemet se cilët do të jenë personazhet VIP që do të jenë pjesë e cast-it.
Flitet ndër të tjera se do të jenë Valbona Mema, Vesel Kurtishajt, si edhe moderatorja e RTSH, Hygerta Sako.
Deri më sot akoma nuk kemi konfirmime dhe stafi po i mban ‘hermetikisht’ të mbrojtur emrat e Vip-ave që do të hyjnë në shtëpinë më të famshme shqiptare. Por sot Hygerta Sako ka vendosur të mos hesht më dhe ka reaguar për herë të parë. Në profilin e saj në Instagram, ajo ka postuar një foto nga pushimet.
Krahas komplimenteve, bie në sy komenti i Fationit, pjesëmarrës në Big Brother 7. “Gati për B.B Vip?”, e pyet ai, dhe moderatorja me humor i ka shkruar: “Mjafton një përfaqësues i fisit, dy bëhen tepër o kusho”. Kështu, krahas lidhjes së tyre farefisnore, Hygerta lë të kuptohet se ajo nuk do të jetë pjesë e këtij edicioni.
Më herët Arbana Osmani, ka treguar se kasti nuk do të zbulohet, sipas formulës. Shtëpia do të jetë tejet luksoze me një sipërfaqe prej 1500 metra katrorë, ndërsa çmimi i madh këtë vit dhe do të jetë 100 mijë euro.
