Të gjithë do donim të shihnim sërish Bora Zemani në timonin e “Për’puthen”. Emisioni i dashurisë i cili nisi transmetimin gati tre vite më parë në Top Channel është lidhur gjithmonë me figurën e moderatores.
Jo më kot autorja e programit Olsa Muhameti nuk e fsheh dëshirën që Bora të rikthehet në drejtimin e reality e dashurisë.
E ftuar natën e kaluar në “Top Arena”, autorja në një intervistë me Edi Manushin tregoi se i ka bërë ftesë Borës që të prezantuesja të jetë përsëri ajo pas largimit të Ori Nebiaj që ka pranuar mandatin e deputetes.
“Ende nuk është vendosur diçka, pavarësisht se ka shumë alternativa. Me sa duket, Për’Puthen është program hit dhe moderatorët, prezantuesit e shohin si një trampolinë për të bërë karrierë në Top Channel, në ekranin më të madh të shqiptarëve”.
Olsa dëshiron një rikthim të koleges dhe mikes së saj “në shtëpi”:
“I kemi bërë një ftesë zyrtare Bora Zemanit për të qenë prezantuese në Për’puthen. Të them të drejtën, jam shumë e lumtur dhe e emocionuar për këtë gjë. Bora Zemani aktualisht është një prezantueset më të mira të televizioneve shqiptare. Do të ishte një bast i ftuar nëse do të vijë në Për’puthen.
Bora e njeh shumë mirë programin, nga ana tjetër do të ishte rikthim i saj në shtëpi. Largimi i Borës ka qenë se morri një program të madh si ‘Dancing With The Stars’. Bora e do Për’puthen, por është çështje e menaxhimit të kohës”.
