A pranoi Grida Duma raportin e përfolur me deputetin e PD? “Ervin Salianji është bashkudhëtari im”.
Politikania demokrate dhe drejtuesja e emisionit “Top Story”, Grida Duma, ka reaguar për vendimin e Gjykatës së Apelit që dënoi deputetin e Partisë Demokratike, Ervin Salianji, me një vit burg në lidhje me dosjen “Babale.” Në hapjen e emisionit, Grida Duma mbajti një monolog të shkurtër, ku për herë të parë pranoi publikisht bashkëjetesën me Salianjin, duke e quajtur atë “bashkudhëtar.”
Gjatë fjalës së saj, Duma theksoi se, pavarësisht lidhjes së tyre personale, Salianji e ka ndërtuar vetë rrugën e tij politike dhe është njohur për denoncimet e forta që ka bërë ndër vite. “Ervin Salianji është bashkudhëtari im,” u shpreh Duma, duke shtuar se ai ka krijuar një identitet të vetin në politikë dhe ka qenë një zë i rëndësishëm denoncues brenda Partisë Demokratike.
Duma vuri theksin te roli i Salianjit si një figurë që ka sfiduar shpesh brenda dhe jashtë partisë, duke bërë denoncime të fuqishme, edhe në momente kur vetë PD-ja kishte dyshime nëse ato duheshin bërë. Ajo e përshkroi Salianjin si një zë të rëndësishëm që ka formësuar identitetin politik të tij përmes angazhimit dhe guximit për të folur kundër padrejtësive.
Vendimi i Gjykatës së Apelit për dënimin e Salianjit ka ngjallur reagime të shumta, dhe fjalët e Dumës vijnë në një moment kur debati politik është i ndezur për të ardhmen e drejtimit të Partisë Demokratike dhe figurave të saj kryesore.
