Një tjetër emision i njohur në ABC ka mbyllur transmetimin. Bëhet fjalë për emisionin Log të gazetarit Endri Xhafo i cili këtë vit kishte pak kohë që kishte nisur sezonin e tretë.
Përmes një njoftimi në Facebook drejtuesi Xhafo thotë se emisioni i tij “LOG.” nuk do të transmetohet më dhe është ndërprerë me efekt të menjëhershëm. Arsyeja, thotë moderatori, është për shkak të ristrukturimit programor të televizionit Abc News.
“Sot paradite m’u komunikua se, me efekt të menjëhershëm, emisioni LOG. ndërpritet. Pra, për nesër, ditë e martë, duhet të njoftojmë të ftuarit të mos vijnë. Arsyeja zyrtare: Ristrukturim programor i ABC-së. Çështja është se me situatën aktuale të ABC-së faji mbetet kopil dhe të drejtën s’ke ku ta kërkosh”, shkruan ai ndër të tjera.
Ndërkohë, mësohet se krahas Xhafos nga ABC News është larguar edhe drejtori i Informacionit, Andi Tela.