Abc News feston 10 vjetorin këtë muaj. Pikërisht 10 vite më parë nisi transmetimin Albanian Broadcasting Corporation si pjesë e Media6, ku ishte edhe Tv Klan. Në frekuencën e Telenorba Shqiptare filloi rrugëtimi i kanalit all news, si i pari televizion në Shqipëri që në ditën e parë të transmetimeve me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster.
Në 2019 ABC News ndryshon pronësi. Kanali u ble nga biznesmeni Klod Allajbeu, që ka në pronësi spitalin Amerikan dhe Hygea.
Shitet Abc News! Pronari i ri do të paguajë edhe 1.4 Mln Euro borxhe të vjetra
Në këtë 10 vjetor pronari i ri ka vendosur të ndryshojë rrënjësisht televizionin e lajmeve. Ndryshimet filluan dukshëm që nga emrat e rinj që ju bashkuan deri në investimet që po prek infrastrukturën e ABC News. Me studio të reja, personazhe të rinj dhe të njohur të medias shqiptare, programacioni i televizionit tashmë ka karakter gjeneralist dhe nga sot Abc News ka nisur fushatën promocionale me hashtagun #pritepritesepovjen.
Nga promo shohim qe nga kanali all news kthehet ne atë gjeneralist. Dhe kjo pritet të ndodh nga mesi i muajit nentor.
Sipas burimeve tona pranë televizionit stafi është duke realizuar dhe skemën programore, ku nuk do të mungojnë filma dhe seriale nga më prestigjozët, dokumentare, programe për fëmijë dhe spektakle.
Ky ndryshim do të pasohet edhe me rifreskimin e e logos dhe emri që do të jetë thjeshtë ABC.
