Disa muaj pas mbylljes së bashkëpunimit midis platformës, “Digitalb”, dhe transmetuesit kabllor dixhital “Abcom”, i cili i kushtoi këtij të fundit një dëm mjaft të madh financiar si pasojë e uljes drastike të numrit të klientëve, mesa duket gjakrat janë ftohur.
Burime shumë të sigurta për InfoMedia Albania, bëjnë me dije së DGA dhe ABCom kanë nënshkruar përsëri kontratën e bashkëpunimit midis tyre, ku edhe pse në një datë ende jo të përcaktuar, në transmetuesin kabllor do të rikthehen kanalet e platformës më të madhe në vend.
Menjëherë pas ndërprerjes së bashkëpunimit në muajin Dhjetor ABCom e gjendur në mes të një problemi mjaft të madh lidhi partneritet me platformën Tring, kanalet e së cilës është duke ofruar aktualisht. Ende nuk bëhet e ditur nëse Abcom do të mbyllë kontratën e saj aktuale me Tring apo do të vazhdojë akoma partneritetin duke ofruar kështu kanale nga të dyja platformat gjigande në Shqipëri.
ABCom është një nga kompanitë më të suksësëshme në Shqipëri përsa i përket numrit të abonentëve. Ajo ofron 3 shërbime nëpërmjet një kabulli, dhe ka fituar një klientelë mjaft të gjerë në shume qytete të Shqipërisë.
