Një tjetër prodhim shumë i suksesshëm latin vjen në ekranet shqiptare. Një telenovelë e suksesshme e “Televisa”, me një kast të përzgjedhur aktorësh, e cila ka korrur një sukses të madh kudo ku është shfaqur.
Bëhet fjalë për “Abismo de Pasion”, një telenovelë me pjesëmarrjen e aktorëve meksikan Angelique Boyer dhe David Zepeda. Të dy këta aktor janë të njohur për publikun shqiptar me të tjera prodhime të suksesshme të transmetuara. Kanali “3 Plus” në platformën dixhitale “Tring” ka fituar të drejtën për ta transmetuar këtë telenovelë për vendin tonë. Aktualisht aktorja Boyer luan edhe në telenovelën “Lo que la Vida me Robo” në ekranin e “Vizion Plus” ku luan rolin protagonist të Monseratit.
IMA / S. Dema