Rregullatori italian i komunikimeve Agcom ka nisur një hetim pasi problemet teknike shkaktuan që abonentët të humbnin një numër të lartë ndeshjesh hapëse të sezonit futbollistik të Serie A.
Abonentëve iu mohua qasja në llogaritë e tyre dhe disa madje dolën nga llogaria e tyre automatikisht gjatë ndeshjes duke nxitur një indinjatë publike dhe tek personazhet publikë.
Ministrja e Sportit Valentina Vezzali shkroi në Twitter se do të bënte thirrje për një takim urgjent me Agcom dhe Ligën për të adresuar “shqetësimin e papranueshëm” për përdoruesit.
DAZN tha se do t’u jepte abonentëve një rimbursim të pjesshëm pas ndërprerjes “të jashtëzakonshme”.
Agcom i ka kërkuar DAZN-it që të japë shpejtë një kompensim dhe urgjentisht të japë një shpjegim se çfarë ka ndodhur.
Pas ndërprerjes gjatë sezonit 2021/22, DAZN ra dakord me Agcom për të vënë në dispozicion një kanal linear si një nga 11 angazhimet ndaj rregullatorit, i cili përfshinte gjithashtu një njësi të përbashkët monitorimi dhe optimizimin e profileve më të ulëta të kodimit.
Për këtë sezon, u arrit marrëveshja me Sky, i cili tani do të shpërndajë DAZN në platformën e tij në Itali, përveç tre ndeshjeve tashmë të nënlicensuara për njësinë Comcast.
Problemet e DAZN nuk janë të kufizuara vetëm në Itali por edhe me Movistar (Telefonica) dhe Orange të detyruar t’u kërkojnë falje klientëve në Spanjë për ndërprerje të ngjashme./IMA/
