Tashmë është një traditë që Top Channel të publikojë këngën tradicionale të fundvitit e cila mbledh bashkë imazhet kryesore të Top Media dhe stafin. Këtë herë, kënga e zgjedhur për interpretim ishte “Kuturu”, që përshtatej më së shumti me situatën e vitit që kaloi.
ADVERTISEMENT
Në një deklaratë në faqen e Facebook, Albautor, një agjenci e cila ka fokusin e saj tek mbrojtja e të drejtave të artistëve ka denoncuar Top Channel se këtë këngë e ka përdorur pa të drejtë.
Sipas AlbAutor, Top Channel ka përshtatur projektin muzikor pa marrë leje dhe pa kontaktuar asnjë nga autorët e “Kuturu” e cila është një vepër e Pirro Çakos dhe Timo Fllokos dhe që interpretohet nga Aleksandër Gjoka.
LAJMI VAZHDON MË POSHTË
[yop_poll id=”181″]
ADVERTISEMENT
AlbAutor paralelizon situatën e një vepre me operën e famshme “Tosca” e kompozitorit Giacomo Puccini, që është bazuar në dramën franceze “La Tosca”, të vitit 1887, nga dramaturgu Victorien Sardou.
“Puccini pasi pa dramen ne vitin 1889 ne Milano, ju lut botuesit te tij Ricordi qe te blinte te drejtat tek Sardou per adaptimin e drames ne nje Opera. Ricordi i bleu te drejtat pas përpjekjeve te shumta. U deshen disa vite per kalimin e te drejtave te vepres per shkak të tipit të vështirë të autorit Sardou, i cili ishte skeptik mbi realizimin e këtij projekti, pasi preferonte nje kompozitor francez dhe nuk kishte besim në aftësitë e një kompozitori të ri si Puccini, madje nuk e pëlqente muzikën e tij. Megjithatë, një marrëveshje u arrit më në fund, por Puccini vendosi të tërhiqej prej saj, pasi u ndje i ofenduar nga dyshimi dhe nënvlerësimi i Sardou. Vepra iu dha një kompozitori tjetër, por Puccini nuk e kishte harruar Tosca-n, dhe u interesua sërish për të fituar të drejtën për t’a bërë një opera. Vetem në maj 1895, Puccini nënshkroi një kontratë për të filluar realizimin e projektit.” – thuhet në deklaratën e AlbAutor.
Deklarata e Plotë e AlbAutor:
Nga “Tosca” e Puccini-t tek “Kuturu” e Pirro Cakos dhe Timo Fllokos.
“Evolucioni” i të drejtës së autorit nga Italia e 1895-ës në Shqipërinë e 2020-ës!
Opera e famshme “Tosca” e kompozitorit Giacomo Puccini, është bazuar në dramën franceze “La Tosca”, të vitit 1887, nga dramaturgu Victorien Sardou.
Puccini pasi pa dramen ne vitin 1889 ne Milano, ju lut botuesit te tij Ricordi qe te blinte te drejtat tek Sardou per adaptimin e drames ne nje Opera. Ricordi i bleu te drejtat pas përpjekjeve te shumta. U deshen disa vite per kalimin e te drejtave te vepres per shkak të tipit të vështirë të autorit Sardou, i cili ishte skeptik mbi realizimin e këtij projekti, pasi preferonte nje kompozitor francez dhe nuk kishte besim në aftësitë e një kompozitori të ri si Puccini, madje nuk e pëlqente muzikën e tij. Megjithatë, një marrëveshje u arrit më në fund, por Puccini vendosi të tërhiqej prej saj, pasi u ndje i ofenduar nga dyshimi dhe nënvlerësimi i Sardou. Vepra iu dha një kompozitori tjetër, por Puccini nuk e kishte harruar Tosca-n, dhe u interesua sërish për të fituar të drejtën për t’a bërë një opera. Vetem në maj 1895, Puccini nënshkroi një kontratë për të filluar realizimin e projektit.
Ne Shqiperine tone moderne, sot, pas 125 vjetësh, blerja e te drejtave te prones se krijuesit mbetet akoma nje enderr. Rasti me i fundit eshte televizioni Top Channel, i cili vendos të marrë veprën e Pirro Cakos dhe Timo Fllokos – këngën e mirënjohur “Kuturu”, interpretuar nga Aleksandër Gjoka, dhe e risjell duke e përshtatur për një nga projektet e fundvitit, pa marrë leje dhe pa kontaktuar asnjë prej autorëve respektivë të materialit muzikor.
Ky është evolucioni i së drejtës së autorit nga Italia e 1895-ës në Shqipërinë e 2020-ës!!!
Moderatorja, producentja dhe sipërmarrësja shqiptare Luana Vjollca është protagonistja e një interviste të veçantë për L’Officiel UK, ku prezantohet si...
