Gjatë spektaklit të sotëm të “Big Brother VIP”, marrëdhënia mes koreografit të njohur, Albi Nako, dhe konkurrentit Romeo Veshaj, u bë qendra e vëmendjes pas një debati të ashpër mes tyre. Albi Nako, i ftuar në panelin e opinionistëve, u pyet nga moderatori Ledjon Liço për mendimin e tij lidhur me debatin e Romeos me Roza Latin. Përgjigja e Albit erdhi e papritur dhe ndezi menjëherë debatin, ku ai akuzoi Romeon për mungesë guximi, duke e cilësuar si “pa këllqe” dhe se përdor vajzat për të mbuluar dobësitë e tij.
Debati mes tyre u thellua kur Romeo iu përgjigj me ironi komenteve të Albit, duke e sfiduar atë për qëndrimet e tij. Albi Nako vijoi të mbrojë pikëpamjet e tij duke sulmuar më tej sjelljen e Romeos brenda shtëpisë, ndërsa Romeo mbrojti qëndrimin e tij duke e akuzuar Albin për hipokrizi.
Opinionisti Arbër Hajdari e përshëndeti Albi Nakon për guximin e tij për të shprehur hapur qëndrimet në “Big Brother VIP”, ndërsa tensionet mes Albit dhe Romeos paralajmërojnë përplasje të mëtejshme brenda shtëpisë më të famshme në Shqipëri.
