Të dielën në orën 20:00 në Top Neës, do të nisë programi më i ri në Top News “High Albania” me Alfred Lelën.
Promoja është publikuar dhe siç duket qartë, kjo eksperiencë e re televizive e Lelës do të jetë e lidhur ngushtë me pasionin e tij: malet.
Ky program nuk flet për udhëtime që në fokus është luksi, restorantet apo foto Instagrami. Është një program për të guximshmit, për alpinët – ata që e shohin botën nga 2 mijë metra lartësi.
Në këtë program do flitet dhe do vizitohen malet e Shqipërisë, ku bashkë me grupin do të jetë dhe vetë gazetari Alfred Lela.
Përmes këtij programi do të kemi mundësinë të shohim një anë tjetër të Lelës, jo si gazetar, as si moderator, as si shkrimtar, por si një alpinist, i cili do të sjellë për audiencën një eksperiencë ndryshe dhe mbase edhe nxitjen për të shijuar bukurinë e maleve të vendit tonë.
Kujtojmë se Alfred Lela është po ashtu në Top News me emisionin politik “Politiko” çdo të hënë dhe të premte në orën 20:30, ndërkohë të dielave do të vijë me “High Albania” në orën 20:30 në po të njëjtin ekran.
