Pas shumë diskutimesh nëse do të mbahej apo jo, EBU ka njoftuar se Eurovision Song Contest 2020 është anulluar nisur nga situata mjaft e rënduar për shkak të epidemisë së CoVid-19 që ka mbërthyer Evropën.
Në një deklaratë për mediat EBU njofton se eventi që do të mbahej në datat 12,14 dhe 16 Maj është anulluar.
“Me keqardhje të thellë që ne duhet të shpallim anulimin e Eurovision Song Contest 2020 në Roterdam.
Gjatë javëve të fundit, ne kemi eksploruar shumë mundësi alternative për të lejuar organizimin e eventit
Sidoqoftë, pasiguria e krijuar nga përhapja e COVID-19 në të gjithë Evropën – dhe kufizimet e vendosura nga qeveritë e transmetuesve pjesëmarrës dhe autoritetet Hollandeze – ka bërë që Unioni Evropian i Transmetuesve (EBU) të marrë vendimin e vështirë për të mos e organizuar eventin siç ishte planifikuar. Shëndeti i artistëve, stafit, tifozëve dhe vizitorëve, si dhe situata në Hollandë, Evropë dhe në botë, është shkaku i këtij vendimi.”- thuhet në deklaratën e EBU.
Këtë vit, përfaqësuese e Shqipërisë në Eurovision, ishte Arilena Ara e cila përveç diskutimeve që krijoi në shqipëri si fituese e Fest 58 me një konkurencë shumë të madhe me Elvana Gjatën, mesa duket nuk ka patur dhe aq fat./IMA/
